Jambyl oblysynyń ákimi Berdibek Saparbaev Taraz qalasyn aralap, jóndeý-qurylys jumystarynyń barysymen tanysty, dep habarlaıdy Egemen.kz.
О́ńir basshysy baspasóz qyzmetiniń málimetinshe, oblys ortalyǵynda 14 shaǵyn aýdan aýmaǵynda 150 oryndyq múgedekterdi ońaltý jáne beıimdeý ortalyǵynyń qurylysy júrgizilýde.
Ǵımarat birneshe bloktan turady birinshi blokta basseın, kıim aýystyratyn bólme, sport jáne kórermender zaly, ekinshi blokta - medısınalyq kabınetter, úshinshi blokta - ashana, qalǵan bloktarda - eki oryndyq jáne bir oryndyq palatalar ornalasqan.
Sonymen qatar, munda kókónis qoımasy, jylyjaı, slesarlyq sheberhana jáne basqa da sehtar salynady.Merdiger «Tarazstroı-2004» jumystaryn 2022 jyldyń qarasha aıynda aıaqtaýdy josparlap otyr.
«Eresekter úshin de, balalar úshin de barlyq jaǵdaıdy jasaý qajet. Bul ortalyqta erekshe qajettilikteri bar adamdar mamandardyń sapaly qyzmetterin alatyn bolady», dedi Berdibek Saparbaev.