Demokratııalyq memleket qurý – basty ustanym

Prezıdent Q.Toqaev óziniń ulyqtaý sózinde bergen ýádelerine sáıkes jáne burynǵy prezıdent Nursultan Nazarbaevtyń 30 jyl ishinde memlekettik qurylys­taǵy kórnekti jetistikterine súıe­ne otyryp, órkendegen, demokra­tııalyq memleketti qurý ıdeıasyn basa aıta otyryp, Qazaqstannyń ulttyq táýelsizdigin saqtaýǵa jáne nyǵaıtýǵa umtyldy.

Onyń negizgi ıdeıasy 2019 jyl­dyń naýryz aıynan bastap dáıekti túrde júrgizilip keledi. Osy ýaqyt ishinde Memleket basshysynyń Joldaýlary men sóılegen sózderinde aıtylǵan keshendi reformalar júzege asyryla bastady.

2022 jylǵy «Qasiretti qań­tar» oqıǵasy kórsetkendeı, bılik elıtasynyń keıbiri ózgeris­ti jedel júrip jatyr dep sanasa, keıbir azamat buǵan kóńi­li tolmady. Memleket basshy­sy jaǵdaıdyń kúrdeliligin jáne asa mańyzdy reformalarǵa kedergi keltirý áreketiniń baryn moıyndaı otyryp, qazirgi ahýaldy ashyq taldaýǵa jáne qańtar oqıǵasyn naqty baǵalaýǵa basymdyq berýde.

Sonymen birge Prezıdent «Reformalar kerýeni» alǵa jyl­jýy tıis ekenin, demek saıa­sı júıeni jańǵyrtý qajetin jaq­sy túsinedi. Sondyqtan halyq­qa Joldaýynda bılik resýrs­taryn qaıta bólý jóninde egjeı-teg­jeıli on tarmaqtan turatyn iles­peli baǵdarlamasyn jarııala­dy. Sonymen qatar saıasat­tyń, eko­­­nomıkanyń jáne qoǵam­nyń bó­lin­beıtini, refor­ma­lar­­­dy aza­mattardyń qol­daýy ómir­lik ma­ńyzdy ekeni­ne keli­­sip, Prezı­dent Qazaq­stan qoǵamy­­nyń ózekti materıal­dyq qajetti­lik­terin qanaǵattan­dyrýǵa da kóńil bólýde.

Prezıdenttiń bıylǵy Jol­daýynyń mazmuny qazirgi tańda júrgizilip jatqan keń aýqymdy konsýltasııalardyń qundylyǵyn kórsetedi. Osylaısha, bul qujat ıdealdy basqarý úlgilerin ult­tyq dástúrlermen úılestirýge múm­kindik berip, sol arqyly reformalardy júzege asyrýǵa múmkindik beredi dep senemiz.

Dýglas TAÝNSEND,

Qazaqstan Respýblıkasynyń Ýelstegi Qurmetti konsýly,

Aýstralııanyń Qazaqstandaǵy burynǵy elshisi