Jyl basynan beri 3 myńnan asa etnıkalyq qazaq tarıhı otanyna oralyp, qandas mártebesin aldy, dep habarlaıdy Egemen.kz.
Olardyń basym bóligi О́zbekstan, Qytaı, Túrikmenstan, Mońǵolııadan kóship kelgen.
Eńbek jáne halyqty áleýmettik qorǵaý mınıstrliginiń málimetinshe, 2022 jylǵy 1 sáýirdegi jaǵdaı boıynsha 3 078 etnıkalyq qazaq qandas mártebesin alǵan.
Jalpy 1991 jyldan beri respýblıkaǵa 1 mln 90,1 myń etnıkalyq qazaq oralǵan.
«Jyl basynan Qazaqstanǵa kelgen qandastardyń jartysynan kóbi (66,3%) О́zbekstannan, 11,3% – Qytaıdan, 10,9% – Túrikmenstannan, 2,2% – Mońǵolııadan jáne 9,3% basqa elderden. Kelgen etnıkalyq qazaqtar negizinen Almaty (30,2%), Mańǵystaý (19%), Túrkistan (11,4%) jáne Jambyl (5,9%) oblystaryna, sondaı-aq Almaty (6,5%), Nur-Sultan (7,1%) jáne Shymkent (7,6%) qalalaryna qonystandy», dep jazylǵan habarlamada.
Bıyl 1 sáýirdegi jaǵdaı boıynsha eńbekke qabiletti jastaǵy etnıkalyq qonys aýdarýshylar sany 62,7%, eńbekke qabiletti jastan kishi 23,2% jáne zeınetkerler 14,1%. Eńbekke qabiletti jastaǵy qandastardyń ishinen bilim deńgeıi boıynsha 11,5% joǵary bilimdi, 39,6% orta kásibı bilimdi, 47% jalpy orta bilimdi, 1,8% bilimi joq.