Mılan-Almaty-Mılan tikeleı reısi 2022 jylǵy mamyrdyń sońynda ashylady. Bul týraly Italııanyń Qazaqstandaǵy elshisi Marko Albertı málimdedi, dep habarlaıdy Egemen.kz.
«Mılan-Almaty-Mılan tikeleı áýe reısin 2022 jylǵy mamyrdyń sońynan bastap Italııanyń Neos jeke kompanııasy apta saıyn turaqty negizde oryndaıtyn bolady», dep habarlady elshi Nur-Sultandaǵy jýrnalıstermen jabyq kezdesýde.
Qazirgi ýaqytta Qazaqstannan Italııaǵa jáne Italııadan Qazaqstanǵa birde-bir tikeleı reıs joq.
Bıyl Qazaqstannyń Italııamen dıplomatııalyq qarym-qatynasyna 30 jyl tolady. Osyǵan baılanysty elshilik jyl boıy birqatar áleýmettik-mádenı is-shara ótkizýge nıetti. Áýe reısin ashý - osyndaı sharalardyń biri.