Dúnıejúzilik densaýlyq saqtaý uıymynyń apta saıynǵy epıdemıologııalyq bıýlletenine sáıkes álemde COVID-19 aýrýyn juqtyrý kórsetkishi ekinshi apta qatarynan tómendep keledi, dep habarlaıdy Egemen.kz atalǵan uıym taratqan aqparatqa silteme jasap.
Sońǵy aptada ınfeksııa juqtyrǵandar sany 16%-ǵa, al qaıtys bolǵandar 43%-ǵa azaıǵan.
28 naýryz ben 3 sáýir aralyǵynda koronavırýspen aýrý álemniń barlyq aımaqtarynda tómendedi. Bir apta ishinde álemde 9 mıllıonnan astam COVID-19 oqıǵasy anyqtaldy.
Bir aptada álemde COVID-19 ınfeksııasynan 26 myńnan astam adam qaıtys bolǵany tirkeldi.
Aıta ketsek, indet bastalǵannan beri álemde koronavırýs ınfeksııasyn juqtyrýdyń 489 mıllıonǵa jýyq jaǵdaıy anyqtalyp, sonyń saldarynan 6 mıllıonnan astam qaıtys bolǵan.