DDU statıstıkasyna sáıkes, Qazaqstan sýısıd sany boıynsha 20-orynda tur, al 10-19 jas aralyǵy boıynsha 10-orynǵa turaqtaǵan, dep habarlaıdy Egemen.kz.
Bes jyl buryn DDU óz-ózine qol salýdyń aldyn alý úshin álemdik deńgeıde óz bastamasyn iske qosty. Bir nemese birneshe sýısıd týraly BAQ habarlaryna tikeleı baılanysty júzden astam zertteýler júrgizilgen. Mamandar óz-ózine qol salýdy keńinen jarııalaý qosymsha sýısıdtik minez-qulyq qalyptastyratynyn aıtýda. О́z-ózine qol salýdyń qazirgideı taralýy jáne qurban bolǵandardyń týystarynan suhbat alý, sýısıdterdiń egjeı-tegjeıli sıpattalýy ony qarapaıym qubylys retinde qabyldaýǵa ıtermeleıdi», dedi Qazaqstan Medıa alıansy «BAQ-tyń sýısıdti jaýapty jarııalaýy» atty paneldik sessııada.
Sondyqtan bul jerde BAQ-tyń, blogerlerdiń, kóshbasshylardyń róli óte joǵary ekenin aıtty. Mundaı oqıǵalardy jarııalaýda úlken jaýapkershilik tanytý kerek.
2021 jyly Qazaqstanda sýısıdtiń 3922 jaǵdaıy tirkelgen.
Aıta keteıik, Densaýlyq saqtaý mınıstrligi byltyrdan beri búkil óńirde kámeletke tolmaǵandar arasynda sýısıdtiń aldyn alý baǵdarlamasyn engize bastady. Baǵdarlama 6 óńirde qarqyndy iske asyrylyp jatyr.