Ortalyq saılaý komıssııasynyń (OSK) Tóraǵasy Nurlan Ábdirov 4 naýryzda Aqtóbe oblysynda saıası partııalardyń, ÚEU, BAQ ókilderimen, qoǵamdyq pikir kóshbasshylarymen, blogerlermen, múgedektigi bar adamdardyń qoǵamdyq uıymdarymen, óńirdiń saılaý komıssııalarynyń múshelerimen kezdesti. Is-sharaǵa 320 adam qatysty, dep habarlady OSK-nyń baspasóz qyzmeti.
Kezdesýde saılaý júıesi men saılaý prosesterin reformalaý, saılaý ınstıtýtyna senim deńgeıin arttyrý máseleleri talqylandy. Kezdesýge qatysýshylar saılaý zańnamasyn jetildirýge, saılaýdy uıymdastyrý men ótkizý kezinde onyń quqyqtyq turǵydan qoldanylýyna, aýmaqtyq jáne ýchaskelik saılaý komıssııalary jumysynyń ashyqtyǵy men aıqyndyǵyn qamtamasyz etýge erekshe nazar aýdardy. Jurtshylyq Məjilis pen məslıhattar depýtattaryn saılaý kezinde aralas saılaý júıesin engizýdi alǵa tartty. Budan basqa, elektrondy sıfrly qoltańba tehnologııalaryn paıdalana otyryp, elektrondy daýys berý múmkindiginiń perspektıvalary týraly məsele kóterildi.
Sondaı-aq qatysýshylar ulttyq baıqaýshylardy oqytýdy júıeli túrde júrgizýdi usyndy, óıtkeni qoǵamdyq baıqaý arqyly saılaý prosesiniń ashyqtyǵy men jarııalylyǵy qamtamasyz etiledi.
N.Əbdirov OSK saılaý prosesine qatysýshylardy, onyń ishinde təýelsiz baıqaýshylardy elektorattyq oqytý boıynsha tıisti sharalar qabyldanyp otyrǵanyn atap ótti.
2022 jylǵy qańtardan bastap Prezıdent janyndaǵy Memlekettik basqarý akademııasynyń quramynda elektorattyq oqytý ortalyǵy jumysyn bastady. Osy jyly óńirlerde elektorattyq oqytýdy odan əri júzege asyrý úshin Qazaqstannyń barlyq óńirlerinen 11 nysanaly top boıynsha 700-den astam basqalarǵa oqý jumystaryn júrgizetin adamdardy oqytý josparlanýda. Daıyndyqtan ótkender óńirlerdegi ózderiniń nysanaly toptarynyń ókilderin kaskadty ədispen oqytady.
OSK tóraǵasy Aqtóbe oblysyndaǵy múgedekterdiń quqyqtaryn qorǵaý jónindegi qoǵamdyq uıymdarmen de kezdesti. Kezdesý múmkindigi shekteýli jandarǵa arnalǵan «Teń qoǵam» əleýmettik qoldaý ortalyǵynda ótti. Kezdesýdi asha otyryp, tóraǵa OSK-nyń mańyzdy mindet teriniń biri múgedektigi bar azamattardyń quqyqtaryn iske asyrý úshin barlyq qajetti jaǵdaılardy qamtamasyz etý ekenin atap ótti. Sondyqtan osy baǵytta júıeli túrde jumys júrgizilýde. 2017 jyldan bastap OSK janynda múgedekterdiń saılaý quqyqtaryn qamtamasyz etý jónindegi jumys toby qyzmet etip keledi.
Sonymen qatar Nurlan Əbdirov Memleket basshysynyń bastamasy boıynsha saılaý zańnamasynda partııalyq tizimderdi qalyptastyrý kezinde endi múgedek adamdardy əıelder jəne jastarmen qatar mindetti 30%-dyq kvotaǵa qosý jónindegi norma kózdelgenin atap ótti.
Qoǵam qaıratkeri, Qazaqstannyń Eńbek Eri, «Aqtóbe qalasynyń sal aýrýyna shaldyqqan azamattardy qoldaý ortalyǵy» QB tóraıymy Quralaı Baımenova múgedek jandardyń qoǵamdyq uıymdary ókil deriniń kópshiligi múmkindigi shekteýli saılaýshylarǵa jaǵdaı jasaý məseleleri boıynsha saılaý organdarymen belsendi ózara is-qımyl jasaýdy qolǵa alyp, sonymen qatar saılaýdy qoǵamdyq baıqaý jumystaryna qatysyp otyrǵandaryn jetkizdi. Sondaı-aq kezdesýge qatysýshylar belsendi jəne bəseń saılaý quqyǵyn iske asyrý, múgedektigi bar saılaýshylardyń qajettilikterin eskere otyryp, saılaý ýchaskeleriniń qoljetimdiligi jəne olardy jaraqtandyrý, sonymen birge Braıl qarpin qoldana otyryp, arnaıy vızýaldy, grafıkalyq materıaldar jasaý boıynsha birqatar məseleni kóterdi.
«Aqtóbe oblystyq múgedekter qoǵamy» QB basshysy Almas Jantekenov OSK-nyń osyndaı pikir almasýdy uıymdastyryp otyrǵany jónindegi jumysyna oń baǵa berdi. Onyń pikirinshe, mundaı shara Memleket basshysynyń «Jańa Qazaqstan» saıasaty aıasynda teń múmkindikter qoǵamyn qurýdyń pərmendi qadamdarynyń biri bolyp tabylady.
Kezdesý qorytyndysy boıynsha N.Əbdirov múgedek jandardyń qoǵamdyq uıymdarynyń ókilderine ashyq suhbattary úshin rızashylyǵyn bildirip, OSK mundaı tulǵalardyń saılaý quqyqtaryn qamtamasyz etý jónindegi is-sharalar keshenin odan əri jetildire beretinin atap ótti.