Qazaqstannyń Saýd Arabııasyndaǵy elshisi Berik Aryn Koroldiktiń Qajylyq jáne ýmra isteri jónindegi mınıstri Taýfık ben Faýzan Ar-Rabııamen kezdesti, dep habarlaıdy Egemen.kz SIM baspasóz qyzmetine silteme jasap.
Kezdesý barysynda taraptar aldaǵy qajylyq maýsymyna qatysty birqatar suraqty, sonyń ishinde qazaqstandyq qajylarǵa kvota bólý, qajylyqty uıymdastyrý máselelerin talqylady.
Mınıstr ýmra men qajylyqty uıymdastyrý erejelerindegi sońǵy ózgerister jóninde, sondaı-aq koronavırýsqa baılanysty qajylyq oryndarynda engizilgen arnaıy talaptar týraly habarlady.
О́z kezeginde, elshi B. Aryn Saýd Arabııasynyń Úkimetine Qazaqstan azamattaryna qajylyq jasaý úshin Koroldik aýmaǵynda bolý kezinde árdáıim bólip júrgen kóńili jáne kórsetip jatqan kómegi úshin rızashylyǵyn bildirdi.
Kezdesý qorytyndysy boıynsha aldaǵy qajylyq maýsymynyń uıymdastyrý máselelerin talqylaý úshin SAK Qajylyq jáne ýmra mınıstrligi men Qazaqstan musylmandary Dinı basqarmasynyń ókilderi arasynda jaqyn arada kelissózder uıymdastyrý týraly ýaǵdalasty.