Dostastyq memleketteriniń saıasatkerleri Qazaqstan Prezıdentiniń bastamashylyǵy týraly

INTEGRASIIа – ELDER BAILANYSYNYŃ О́ZEGI

Vladımır PÝTIN, Reseı Federasııasynyń Prezıdenti: Eýrazııalyq ıntegrasııa ıdeıasynyń avtory Qazaqstan Prezıdenti Nursultan Nazarbaev ekeni belgili. Ol bul ıdeıasyn alǵash ret sonaý 1994 jyly Máskeýge resmı sapary barysynda M.V.Lomonosov atyndaǵy Máskeý memlekettik ýnıversıtetinde jarııa etken bolatyn. Búginde bul bas­tama óziniń ómirsheńdigin aıqyn dáleldep úlgerdi. Tutastaı alǵanda, Eýrazııalyq ekonomıkalyq ıntegrasııa qazirgi tańda Dúnıe­júzilik saýda uıymynyń (DSU)  ustanymdaryna da negizdelip otyr. Bizdiń qatynastarymyzdaǵy mańyzdy faktor Reseı, Belarýs jáne Qazaqstannyń eýrazııalyq ekono­mıkalyq ıntegrasııa­sy bolmaq. Bizde bul jumys jáne osy birlestik tutastaı DSU us­tanym­darynda qurylǵanyn taǵy da eske salǵym keledi. DSU-nyń erejelerin Reseıdiń ǵana emes, Qazaqstannyń da, Belarýstiń de ekonomıkalyq ómirine engizý 170 mıllıon adamy bar jalpy naryqta eýropalyq sharýashylyq sýbektileriniń jumysyn jeńildetedi.   Aleksandr LÝKAShENKO, Belarýs Respýblıkasynyń Prezıdenti: – Qazaqstan Respýblıkasy men Belarýs Res­pýb­­­lıkasy arasyndaǵy dostyq jáne áriptestik qatynastardy nyǵaıtý jolynda bizdiń aramyzda qalyptasqan ashyq jáne senimdi únqatysýdy joǵary baǵalaımyn. Bizdiń elderimiz túrli salalarda kóptegen bolashaǵy zor jobalardy tabysty júzege asyryp keledi. Qazaqstan-Belarýs yntymaqtastyǵy Táýelsiz Memleketter Dostastyǵyndaǵy ıntegrasııalyq úderisterdi damytýǵa yqpal etetin mańyzdy faktor bolyp tabylady. Nursultan Nazarbaevtyń orasan zor jáne kópqyrly tájirıbesi bizdiń memleketterimiz arasyndaǵy ózara is-qımyldy odan ári keńeıtýge járdemdesetinine senimdimin.   Dmıtrıı MEDVEDEV, Reseı Federasııasy Úkimetiniń Tóraǵasy: – Bizdiń halyqtarymyz ǵasyrlar boıy birge ómir súrip keldi. Soǵystyń aýyrtpalyqtary men tyń kóte­rýdiń qıynshylyqtaryn teńdeı bólisti. Iyqqa ıyq túıistirip eńbek etti, birge ósip, týǵan jerdi birge kóterdi. Reseıde maqsatker, talantty, jomart Qazaqstan halqyn jaqsy biledi jáne qurmet tutady. Jáne biz bul sezimniń eki jaqtyń halqyna da ortaq ekenin jaqsy bilemiz... Osyndaı úlken kórsetkishterdiń artynda Qazaqstan halqynyń jáne, árıne, onyń basshysy, Prezıdent Nursultan Ábishuly Nazarbaevtyń orasan zor eńbegi turǵany sózsiz. Ol Qazaqstannyń jańa elordasyna óziniń tek eńbegin ǵana emes, janyn salǵanyn bárimiz bilemiz. Astananyń ǵajaıyp geosaıası orny men damý fılosofııasy kóp jaǵdaıda Eýrazııalyq ıdeıasymen baılanysty ekeni belgili. Astana respýblıkanyń ulttyq bolmys-bitimi men onyń álemge ashyqtyǵyn, barlyq ilgerindi ıdeıalar men jańashyldyqty sezgishtigin ǵajaıyp túrde pash etýde.   Taıyr MANSUROV, EýrAzEQ-tyń bas hatshysy: Kópshilik biletindeı, Qazaqstan Prezıdenti sonaý 1994 jyldyń naýryzynda M.V.Lomonosov atyndaǵy Máskeý memlekettik ýnıversıtetinde negizinde memleketaralyq yqpaldastyq jáne oǵan anaǵurlym daıyn elderdiń tyǵyz ekonomıkalyq, gýmanıtarlyq ıntegrasııasy jatqan «Eýrazııalyq memleketter odaǵyn qalyptastyrý týraly» (EAS) jobasyn tanystyrdy. Osy EAS jobasy boıynsha Eýrazııa elderi birigýiniń negizinde ekonomıka jatýy kerek delindi. Onyń ústine, Eýrazııalyq Odaq naryqtyq ózgeristerde, ulttyq qaýipsizdikte, álemdik ekonomıkalyq júıege birlesip enýde ke­lisil­gen qadam-qareketterdi qoldanýdy qam­tama­syz etken bolar edi.