Eýrazııalyq ekonomıkalyq odaqqa múshe elder saýda-sattyq kezinde Reseı rýblin de qoldanady. Sondaı-aq biz halyqaralyq valıýtadan bas tartpaımyz, dep málimdedi Ulttyq ekonomıka mınıstri Álibek Qýantyrov.
«EEO-na múshe elder keıbir taýar boıynsha Reseı rýblin qoldanady. Shamamen 60% ǵoı deımin. Sebebi ol Reseı. Qaı eldermen biz saýda-sattyq kezinde AQSh dollaryn qoldanamyz? Jalpy dollardan, álemdik rezervtik valıýtadan bas tartý josparymyzda joq», dedi Á. Qýantyrov.
Sonymen qatar Ulttyq ekonomıka mınıstri qazaqstandyqtarǵa qarjysyn dıfferensıasııalaýǵa keńes berdi. Aıtýynsha qarjyny teńge depozıtinde saqtaý tıimdi.
«Árbir qazaqstandyq úshin aqshasyn teńgemen depozıtte saqtaǵan tıimdi shyǵar. Qarajatty jaqyn ýaqytta alýdy talap etpeıtin depozıtterdi teńgemen saqtaýǵa bolady. Aqsha qoldanbaǵan kezde kóbeıe beretindeı. Nege teńge degen suraq týyndaıtyn shyǵar. О́ıtkeni mólsherlemesi dollarǵa qaraǵanda joǵary. Azamattar dollar nyǵaıǵan saıyn utylýy múmkin. Bizde dollar depozıtteriniń prosenti tómen», dep keńes berdi ol.
Ári qaraı ol qarajatty bir aktıvte saqtamaýǵa keńes berdi.
«Jeke ózim krıptovalıýtaǵa aqsha salmaımyn. Oǵan aqsha salý úshin belgili bir ýaqyt pen quzirettilik kerek shyǵar. Prezıdent ákimshiliginde jumys istep júrgenimde osy máselelerge qyzyǵýshylyq tanytqan edim. Onyń ústine qazir maınerlerge salyq kóbeıtilmek. Krıptovalıýtanyń óskeni bıýdjetke jaqsy. Investısııamen táýekelshildik qatar júredi. Krıptovalıýtada naqty aktıv joq. Siz ony ámııanǵa salyp alyp júre almaısyz. Krıptovalıýta salynǵan ámııanyńyz Qazaqstannan alys jerde bolady. Sondyqtan barlyǵyn bir sebetke salmaǵan durys. Tipti, krıptovalıýtanyń ishinde «bıtkoın», «laıtkoın» sekildi ártúrli túrin tańdaý qajet. Naryqta trend ózgerip otyrady. Adamdar birden kóp aqsha joǵaltýy múmkin. Keıin shaǵym aıtyp jylaıdy», dedi mınıstr.