Memleket basshysy Qasym-Jomart Toqaev Qazaqstannyń QHR-daǵy jańadan taǵaıyndalǵan elshisi Shahrat Nuryshevty qabyldady, dep habarlaıdy Egemen.kz.
Kezdesýde Prezıdent Qytaı Halyq Respýblıkasymen aradaǵy jan-jaqty strategııalyq seriktestikti odan ári nyǵaıtý máselesine nazar aýdardy.
Joǵary deńgeıdegi kelisimderdi, sonyń ishinde Memleket basshysynyń bıylǵy aqpan aıynda Pekınge jasaǵan sapary barysynda qol jetkizilgen ýaǵdalastyqtardy júzege asyrý qajet ekenine basa mán berildi.
Qasym-Jomart Toqaev kólik-tranzıttik yqpaldastyqty, ekonomıkanyń mańyzdy sektorlaryndaǵy serpindi ınvestısııalyq jobalardy damytýdyń, sondaı-aq mádenı-gýmanıtarlyq yntymaqtastyq salasyndaǵy baılanystardy nyǵaıtýdyń mańyzdy ekenin aıtty.
Halyqaralyq jáne óńirlik deńgeıdegi, sonyń ishinde ShYU, AО́SShK alańdaryndaǵy baılanystardy nyǵaıtý máseleleri de jańadan taǵaıyndalǵan elshiniń jumysyndaǵy mańyzdy baǵyttardyń qataryna qosyldy.