Ishki ister mınıstri Marat Ahmetjanovtyń atyna Reseı Federasııasynyń azamatshasy Polına Marýhınadan Alǵys hat tústi, dep habarlaıdy Egemen.kz.
Oblystyq polısııa departamenti baspasóz qyzmetiniń málimetinshe, ol 13 sáýir kúni halyqaralyq tasymaldaýdy júzege asyratyn mıkroavtobýspen Pavlodar qalasyna Novosibirden ájesine qonaqqa kelgen. Akademık Shókın kóshesine kelgen kezde barlyq qajet aqparat saqtalǵan uıaly telefonyn kólikte qaldyrǵanyn bilgen. «Men Qazaqstanǵa jańa ǵana kelgen RF azamatshasy bolǵandyqtan, Qazaqstan valıýtasy bolǵan joq, sondyqtan taksıge de aqsha tóleı almadym. Sharasyzdyqtan jylap jiberdim. Osy ýaqytta maǵan dárihanadan shyqqan bir jigit jaqyndady. Odan polısııany shaqyrýdy ótindim, jas jigit meni sabyrǵa shaqyryp, ózin Asylbek esimdi polısııa qyzmetkeri retinde tanystyrdy. Ári qaraı kóligine otyrǵyzyp, telefonym qalyp qoıǵan mıkroavtobýsty izdeýge shyqtyq. Shaǵyn avtobýs qala syrtynda toqtatyldy. Avtobýs júrgizýshisi uıaly telefonnyń salonda qalǵanyn baıqamaǵan eken. Árıne, meniń tasymaldaýshyǵa eshqandaı shaǵymym joq», dep jazdy Polına Marýhına. Telefondy qaıtarǵannan keıin polısııa qyzmetkeri ony aýyr sómkelerimen úıge deıin jetkizip salǵan. «Qurmetti Marat Muratuly! Osyndaı aıbyndy qyzmetkerlerdi tárbıelegenińiz úshin, pavlodarlyq polıseılerdiń kásibıligi úshin alǵys aıtqym keledi. Aǵa leıtenant Asylbek Muhtızarovqa alǵysym zor», dep jazady Reseı Federasııasynyń azamatshasy.