«GLB» úı qurylysy kombınatynyń qýaty jylyna 450 myń m2 turǵyn úıge deıin ulǵaıdy, dep habarlady Egemen.kz elorda ákiminiń instagram-paraqshasyna silteme jasap.
Bul úı qurylysy kombınatynyń artyqshylyǵy – sapasyna zııan kelmesten qurylys ýaqytyn qysqartýǵa, sharshy metrdiń ózindik qunyn azaıtýǵa múmkindik beredi.Kombınat qurylysy uzaqqa sozylǵan úılerdiń (Baǵystan, Altyn shar) problemasyn sheshýge, sol sııaqty áleýmettik turǵyn úı salýǵa jumyldyrylǵan. Zaýyttyń qýatyn arttyrý arqyly áleýmettik nysandar qurylysynyń qarqyny kúsheıip, qosymsha turaqty jumys oryndary qurylady.
«Osyǵan deıin úı qurylysy kombınaty nesıe berýshiler men kásiporyn qyzmetkerlerine 600 mln teńgege jýyq qaryz bolǵan. Memlekettiń qoldaýynyń arqasynda bul qaryz ótelip, kombınattyń jumysy qaıta jandandy. Budan bólek, 2020 jyldyń sońynda ModeX úı qurylysy kombınatynyń jumysy iske qosyldy.Memleket basshysynyń tapsyrmasyna sáıkes turǵyn úı baǵyttary boıynsha júıeli jumys júrip jatyr: jeńildetilgen qoljetimdi turǵyn úı qurylysynyń kólemin ulǵaıttyq, «Elorda Jastary» arnaıy turǵyn úı baǵdarlamasyn iske qostyq, turǵyn úı baǵdarlamalaryna qatysýshylar sanatyn keńeıttik, turǵyn úı sertıfıkattarynyń somasyn 1 mln teńgeden 1,5 mln teńgege deıin ulǵaıttyq», delingen habarlamada.