Elordada samokat teýip kele jatqan úsh jasar bala kólik astyna tústi, dep habarlaıdy Egemen.kz Nur-Sultan qalasynyń Polısııa departamentiniń baspasóz qyzmetine silteme jasap.
«Jyl basynan beri qala aýmaǵynda kámeletke tolmaǵandardyń qatysýymen 14 jol-kólik oqıǵasy tirkelgen, mert bolǵandar joq», delingen habarlamada.
Máselen, «Mitsubishi» markaly avtokóliktiń júrgizýshisi Myńaral kóshesindegi úıdiń aýlasymen kele jatyp, samokat teýip kele jatqan 2019 jyly týǵan balany qaǵyp ketken.
Jol-kólik oqıǵasy saldarynan búldirshin dene jaraqatyn aldy. Atalǵan fakti boıynsha istiń mán-jaıyn anyqtaý jumystary júrgizilip jatyr.