Búgin Úkimet úıinde Premer-Mınıstr Álıhan Smaıylov daǵdarysqa qarsy qosymsha sharalar jóninde keńes ótkizdi, dep habarlaıdy Egemen.kz.
Otyrys barysynda Úkimettiń syrtqy ekonomıkalyq jáne geosaıası faktorlardyń qazaqstandyq óndirýshilerge áserin muqııat qadaǵalap otyrǵany atap ótildi.
Otandyq kompanııalardyń odan ári damýy jáne ákimshilik júktemeni tómendetý úshin jańa qoldaý sharalaryn engizý usynylady.
Osylaısha memlekettik satyp alý aıasynda óz mindettemelerin oryndaý kezinde fors-majorlyq jaǵdaılarǵa (logıstıkalyq dálizderdiń jabylýy, jetkizilimderdiń ýaqytyly oryndalmaýy jáne t. b.) tap bolǵan kompanııalardy Josyqsyz jetkizýshiler tizilimine engizbeý tetikterin pysyqtaý usynylady.
Sonymen qatar aýyl sharýashylyǵy óndirýshilerin qoldaý úshin saqtandyrý syıaqylaryn memlekettik sýbsıdııalaý kólemin ulǵaıtý usynylady. Sondaı-aq elimizde shyǵarylatyn aýyl sharýashylyǵy tehnıkasynyń jeńildikti lızıngin keńeıtý týraly usynys qoldaý tapty.
Premer-Mınıstr usynystardy qoldap, olardy júzege asyrý máselelerin pysyqtaýdy tapsyrdy.