Almaty oblysynyń Eskeldi aýdanynda úsh adamdy, onyń ishinde eki balany kólik qaǵyp, mert qyldy, dep habarlaıdy Egemen.kz.
Oblystyq Polısııa departamenti baspasóz qyzmetiniń málimetinshe, qaıǵyly oqıǵa 23 sáýir kúni saǵat 22:05 bolǵan.
«Anyqtalǵandaı, «Audi-80» kóliginiń júrgizýshisi Aldabergenov kóshesimen kele jatyp, úsh jaıaý júrginshini qaǵyp ketken. Áıel jáne eki kishkentaı bala oqıǵa ornynda mert boldy. Qazir QR Qylmystyq kodeksiniń 345-baby boıynsha is qozǵaldy. Qajetti saraptamalar taǵaıyndaldy», delingen vedomstvonyń habarlamasynda.
Kóliktiń 19 jastaǵy júrgizýshisi qamaýǵa alynyp, mashına aıyp turaǵyna qoıyldy.