Avtozaýyttyń qaryshty qadamdary

Alyp kásiporyn búgingi tańda Chevrolet, Kia, Lada, Renault, UAZ, SAZ avto­mobılderin qurastyryp jatyr. Osydan 12 jyl buryn iske qosylǵan zaýyttyń óndirisi jyl saıyn keńeıip, áleýeti artyp keledi. Máselen, kásiporyn 2019 jyly 25 875 avtokólik qurastyryp shyǵarsa, osy jónindegi kórsetkish 2020 jyly 40 050-ge jetti. Al 2021 jyly avtozaýyt 60 myńnan astam kólik qurastyryp shyǵardy. Nátıjesinde, byltyr Qostanaı avtozaýytynyń Qazaqstan nary­ǵyndaǵy úlesi 61%-ǵa jetti.

Kásiporynnyń eksporttyq áleýeti de edáýir artyp keledi. Byl­tyr 7 myń 593 avtokólik eksportqa shyǵarylypty. Qos­ta­naıdan shyqqan kólikterdi kó­bine Reseı, Qyrǵyzstan, О́zbek­stan, Ázerbaıjan jáne Belarýs memleketteriniń ókilderi alyp ke­tip jatady.

– Álemde kólik qurastyratyn zaýyttardyń eshqaısysy bólshek­terdi ózderi óndirmeıdi. Basqa jaqtan tapsyryspen jasatyp aldyrady. Bizdiń kásiporyndaǵy jaǵdaı da soǵan uqsas. Ár kólik markasynyń tetikterin ózara kelisimshart aıasynda ártúrli shet­eldik zaýyttardan aldyra­myz. Bastysy, kólikter bar­lyq sheberhanadaǵy bilikti ma­man­dardyń qolynan ótip, joǵary tehnologııaly qon­dyr­ǵylardyń kómegimen quras­tyrylady. Jal­py, negizgi maq­satymyz – ha­lyqaralyq sapa normalary­na sáıkes keletin básekege qa­biletti ónim shyǵarý, – dedi «SaryarqaAvtoProm» JShS dırektory Syrym Semeıbaev.

2021 jyly Chevrolet avto­kóligi qazaqstandyq tu­ty­ný­shy­lar tarapynan eń joǵary su­ranysqa ıe bolǵanyn aıta ket­ken jón. Al eń kóp satylǵan kólik­terdiń kóshin Nexia men Cobalt bastap tur. Qostanaılyq zaýyttan byltyr atalǵan úlgiler­degi 33 508 avtokólik quras­ty­rylyp shyǵaryldy.

Kásiporyn basshysynyń aıtýynsha, bıyl zaýyt Chevrolet Onix, Kia Sportage NQ5 ón­dirisin iske qospaqshy. Jospar boıynsha «SaryarqaAvtoProm» bul brend kólikterdiń árqaısysyn 15 myńnan qurastyryp otyrmaq. Olarǵa qosa 10 myń reseılik Lada Granta kóligi jáne atalǵan avtomobılder úshin CKD jáne usaq bólshekti jıyntyqtar jasalyp shyǵarylmaq.

– Bıylǵy qańtar men naýryz aılarynyń aralyǵynda 12,5 myńǵa jýyq avtokólik quras­tyryldy. Zaýyt­tyń óndi­ristik qarqyny endi ese­lene túspese, esh báseńdemeıdi. Bıyl júzege asyrylatyn jańa jobalarymyz bar. Jyl sońyna qaraı taǵy birneshe jańa jelini iske qo­samyz. Sondyqtan elimiz­diń ishki nary­ǵyn sapaly avtomo­bıl­der­men qamtamasyz ete otyryp, zaýyt­tyń eksporttyq áleýe­tin arttyrý – bizdiń basym baǵyt­ta­rymyzdyń biri bolyp qala beredi, – dedi kásiporyn basshysy.

«SaryarqaAvtoProm» serik­testiginiń búgingi tolaıym tabysy otandyq avtoóndiristi da­mytýǵa baǵyttalǵan memlekettik qoldaýdyń myqtylyǵynyń nátı­jesi, sondaı-aq zaýyt ınjenerleri men qarapaıym jumysshylardyń kásibı sheberliginiń, qajyrly eńbe­giniń jemisi ekeni sózsiz. Bú­ginde jalpy aýmaǵy 86 myń sharshy metr bolatyn zaýytta 7 seh toqtaýsyz jumys istep tur. Ká­siporynda uzyn sany 2 myń­nan astam adam eńbek etip júr. Jas maman, jańa kadrlar zaýyt janynan ashylǵan SAP University ortalyǵynda júıeli túr­de bilimderin jetildirip, kásibı bilik­­tilikterin arttyryp otyrady.