Aqparattar aǵyny

● «Qazaq kúrish sharýashylyǵy» ǵylymı-zertteý ınstıtýtynyń mamandary arpanyń jańa surybyn oılap tapty. Oǵan «Shahrıstan» degen ataý berilgen. Qazir atalmysh ınstıtýt ıeligindegi 1200 gektar aýmaqta ǵylymı-zertteý jumystaryna negizdelgen dándi-daqyldar ósirý qolǵa alyndy. ● Kaspıı teńizindegi baǵaly balyqty qor­ǵaý maqsatymen «Be­kire» operasııasy óz jumy­syn bas­tap ketti. Onyń quramyndaǵy maman­dar mamyr aıynyń sońyna deıin teńiz balyǵynyń ýyldyryq shashýyna múmkindik jasaıdy. Qazir anyqtalǵan quqyq buzýshylyq boıynsha tıisti sharalar kórilýde. ● Almaty qalasynda bıylǵy birinshi toq­sanda shoǵyrlandyrylǵan bıýdjetke 295,2 mlrd. teńge túsken. Muny ótken jylmen salys­tyrsaq, ósý kórsetkishi 9 mlrd. teńgege artqan. Al aldaǵy merzimde óńirdiń úde­me­li ındýstrııalyq-ınnovasııalyq baǵ­dar­lamasyn odan ári sátti júrgizý úshin Ulttyq qordan qarjy bólý qaras­tyrylýda. ● Aqmola oblysynda «Altyn jas» dep atalatyn klýb ashyldy. Onyń músheleri -70 pen 90 jas ara­ly­ǵyn­daǵy ardagerler. Olarǵa  arnalǵan arnaıy  jattyǵý zaly men júzý alańy bar. ● Ońtústik Qazaqstan oblysyn­da shırek ǵasyrdan beri alǵash ret «Oń­tús­tik samaly-2014» festı­vali ótkizilgeli otyr. Uıymdastyrý­shy­lardyń aıtýy boıynsha, bul shara 25-27 sáýir aralyǵynda Arys pen Báıdibek ózenderiniń túıisken jerinde ótedi. Dý­mandy keshke respýblıkamyzdyń jer-jerinen belgili óner ıeleri  qatysady. ● Keler jyly Qaraǵandy oblysynda bıe sútinen qurǵaq un­taq óndiriledi. Nemis tehnologııasy negi­zinde óndiriletin bul ónimdi «Ev­razııa Invest Ltd» JShS  naryqqa shyǵarady. Mamandar onyń sapaly bolatynyna senim bildirip otyr. ● Pavlodar oblysynda Uly Otan soǵysy ardagerleriniń páte­rin jóndeýge 60 mln. teńge bólindi. Osy­ǵan baılanysty jýyq arada 70 páterge jóndeý jumystary júrgi­ziledi. Sonymen birge, Jeńis merekesi kúni soǵys ardagerlerine jáne tyl eńbekkerlerine materıaldyq kómek berý josparlanǵan. ● Batys Qazaqstanda Atyraý ob­lysynyń mádenı kúnderi ótýde. Onda Atyraý óńiriniń qundy jádigerleri kelýshilerdiń nazaryna usynyldy. Sondaı-aq, jurtshylyq ortaǵasyrlyq Saraıshyq qalashyǵynan tabylǵan arheologııalyq buıymdarmen tanysty. BNews.kz, Nur.kz, Egemen.kz habarlary boıynsha daıyndaldy.