Qazaqstandyq Andreı Golýbev juptyq synda Mıýnhen (Germanııa) ATP 250 týrnıriniń shırek fınalyna shyqty, dep habarlaıdy Egemen.kz.
A.Golýbev fransııalyq Fabrıs Martenmen birge alǵashqy aınalymda osy jarystyń 1-raketkalary, Tokıo Olımpıadasynyń jáne 2021 jylǵy Ýımbldon týrnıriniń chempıondary, horvatııalyqtar Nıkola Mektıch – Mate Pavıchpen sheberlik baıqasty.
Qazaqstandyq-fransııalyq jup saǵat jarymǵa jýyq ýaqytqa sozylǵan matchta 6:4, 7:5 esebimen jeńiske jetti. Olar 1 eıs jasap, 5 breık-poınttyń úsheýin paıdalandy.
A.Golýbev pen F.Marten jalpy júlde qory 600 myń eýroǵa jýyqtaıtyn dodanyń jartylaı fınalyna shyǵý úshin serbııalyqtar Ivan jáne Mateı Shabanovtarmen talasady.