Maqsat – beıbitshilik pen kelisim mádenıetin qalyptastyrý

Qazaqstan Prezıdenti janyndaǵy Ortalyq kommýnıkasııalar qyzmeti uıymdastyrǵan kezekti brıfıng 18 sáýirde ótetin Qazaqstan halqy Assambleıasynyń XXI sessııasyna arnaldy. Oǵan Qazaqstan Prezıdenti janyndaǵy Etnosaralyq jáne konfessııaaralyq qatynastardy zertteý ortalyǵynyń basshysy Aıgúl Sádýaqasova, Jambyl oblystyq Qazaqstan halqy Assambleıasynyń múshesi, oblystyq «Ahyska» túrik etnomádenı birlestiginiń qurmetti tóraǵasy Dúnııadar Abdýllaev, atalǵan oblystaǵy Qazaqstan halqy Assambleıasynyń múshesi, oblystyń ǵylymı-sarapshylyq toby tóraǵasynyń orynbasary Parıda Mamedova, sondaı-aq, Batys Qazaqstan oblystyq Qazaqstan halqy Assambleıasy tóraǵasynyń orynbasary, hatshylyq jetekshisi Ǵaısa Qapaqov jáne «Batys Qazaqstan oblysyndaǵy koreı etnomádenı birlestigi» qoǵamdyq uıymynyń tóraǵasy Maksım Pak qatysty. «18 sáýir kúni QHA-nyń XXI sessııasy ótetin bolady. Onyń qarsańynda mańyzdy kezdesýler uıymdastyrylýda. Olardyń barlyǵynyń basyn biriktiretin negizi maqsat – beıbitshilik mádenıetin jáne kelisim mádenıetin qalyptastyrý. Sondyqtan, bul sessııada Qazaqstannyń «Birtutas memleket», «Bir halyq, bir el, bir taǵdyr» syndy ustanymdary qarastyrylady», dedi kezdesýdi ashqan Qazaqstan Prezıdenti janyndaǵy Etnosaralyq jáne konfessııaaralyq qatynastardy zertteý ortalyǵynyń basshysy Aıgúl Sádýaqasova. Brıfıngte sóz alǵan Jambyl oblysyndaǵy «Ahyska» túrik etnomádenı birlestiginiń qurmetti tóraǵasy Dúnııadar Abdýllaev QHA-nyń qoǵamdaǵy orny týraly áńgimeledi. «Ultaralyq problemanyń paıda bolýyn atom bombasynyń jarylysymen teńeýge bolady, ıaǵnı ol qoǵamdy aqyryndap ári uzaq jaralaıdy. Esh jerde de ultaralyq qarama-qaıshylyq tez sheshilmeıdi. Al biz ultaralyq kelisimdi saqtaı aldyq. Qazaqstandaǵy osy kelisim máńgi bolýy úshin biz Prezıdenttiń bas­tamasymen orasan zor jumys júrgizip kelemiz. Bul – bizdiń jetistigimiz ári maqtanyshymyz. Iаǵnı, 1995 jyly qurylǵan Qa­zaqstan halqy Assambleıasy eli­mizdiń barlyq etnostaryn bir shańyraq astyna shoǵyrlandyryp, olardy kelisim men tatýlyq jolynda biriktirdi», dedi ol sózinde. Onyń aıtýynsha, qazirgi tańda Jambyl oblysynda 87 etnos ókili qonystanǵan. Oblystyq Assam­bleıanyń negizinde 24 oblys­tyq jáne 47 aýdandyq etnomá­denı birlestiktiń jumysy jol­ǵa qoıylǵan. Buǵan qosa, oblysq­a qarasty aýdandarda qoǵam­dyq kelisim keńesteri de boı kó­te­rip, olarǵa Qazaqstan halqy Assam­bleıasynyń 2020 jylǵa deıingi ke­zeńge arnalǵan tujyrymdamasyn aýdan deńgeıinde júzege asyrý júktelgen. Oblystyq Assam­bleıa janynan qurylǵan Analar keńesi de óz qyzmetin belsendi atqaryp keledi eken. Dúnııadar Ab­dýl­laevtyń aıtýynsha, Qazaqstan halqy Assambleıasynyń bas­ty mindeti – Qazaqstandaǵy beı­bit­shilik pen kelisimdi saqtaý. «Mine, oblystyq Assambleıa Analar keńesin osy maqsatta quryp otyr. Árbir adam úshin kimniń sózi mańyzdy? Árıne, anasynyń. Iаǵnı, ózin qurmetteıtin kez kelgen azamat anasynyń aıtqandaryn tyńdaıdy. Demek, osynaý úde­risterge atsalysyp otyrǵan áıel azamattardyń jumystary nátı­jeli, al bul keńestiń keleshegi kemel bolady dep oılaımyn. Sebebi, Analar keńesiniń kómegimen As­sam­bleıanyń ultaralyq kelisimdi nyǵaıtýdaǵy róli de kúsheıe túser edi», dedi D.Abdýllaev. Bul kúni sóz alǵan Jambyl ob­lysynyń ǵylymı-sarapshylyq toby tóraǵasynyń orynbasary Parıda Mamedova el úshin eń basty qundylyq – táýelsizdik pen birlik ekenin, sondyqtan osy qundylyqtardy nyǵaıtý úshin jumystardy jańa ádisterdi qoldana otyryp, júzege asyrý qajettigin alǵa tartty. «Qazaqstan halqy Assambleıasynyń 2020 jylǵa deıingi kezeńge arnalǵan tujyrymdamasyna sáıkes, aýdandar aıasynda óz jumysymyzdy júrgize bastadyq. Máselen, biz shalǵaı aýdandarǵa shyǵyp, semınar-trenıngter ótkizip kelemiz. Ǵylymı-sarapshylyq topqa júktelgen arnaıy jobalar bar. Bul jobalardyń ózegi etnosaralyq birlikti bekemdeýge baǵyttalǵan», dedi P. Mamedova. Brıfıng barysynda Batys Qazaqstan oblystyq Qazaqstan halqy Assambleıasy tóraǵasynyń orynbasary, hatshylyq jetekshisi Ǵaısa Qapaqov ta sóz aldy. Ol: «QHA-nyń HH sessııasynda Qo­ǵamdyq kelisim keńesin qurý jónin­de sheshim qabyldanǵan bola­tyn. Sondyqtan da, bizdiń oblys­ta 163 Qoǵamdyq kelisim keńe­si quryldy. Mundaı keńes­ter­diń negizi ár aýyldyq okrýg­te, iri kásiporyndarda, uıym­darda da qalanǵan. Keńes túrli par­tııalardyń, qoǵamdyq uıym­dar­dyń, kez kelgen másele boıynsha jeke-dara kózqarasy bar jandardyń basyn biriktiredi», dedi ol óziniń sózinde. Onyń aıtýynsha, Qoǵamdyq kelisim keńesi búginde ár otbasynyń áleýetin damytýdan bastap, aýyldyq okrýgti abattandyrýǵa deıingi barlyq ózekti máselelerdi talqylaıdy eken. «Sondyqtan da, qoǵamda oryn alyp jatqan ózekti máse­le­ler men Prezıdent alǵa qoıǵa mindetter, máselen, jeke kásipker­likti, bıznesti damytýǵa yqpal etetin normatıvtik aktiler, aýyl ómiriniń jandana túsýine septigin tıgizetin máseleler nazardan tys qalmaıdy», dedi ol. Jalpy, Batys Qazaqstan ob­lysyn 86-dan astam etnos ókil­deri meken etse, oblystyq Qazaq­stan halqy Assambleıasyna 116 adam múshelikke ótken. Al ob­lystyq Assambleıa quramynda 33 etnomádenı birlestik bolsa, olardyń 15-i Oral qalasynda ornalasypty. Mine, óziniń sózinde bizdi osyndaı málimetterden habardar etken Ǵaısa Qapaqov oblys aýmaǵynda atqarylyp jatqan jumystarǵa da toqtalyp ótti. Bul rette ol: «Qoǵamdyq jáne ultaralyq kelisim máseleleri boıynsha partııaaralyq ynty­maqtastyq sheńberinde Batys Qazaqstan oblystyq máslıhatynda «Yntymaq» depýtattyq toby quryldy. Bıylǵy jyldan bastap óńirdiń barlyq aýyldyq okrýgteri men aýdan ortalyqtarynda «Beıbitshilik pen kelisimniń jol kartasy» mega-jobasy bastalyp, júzege asyrylýda. Batys Qazaqstan oblysynda atalǵan mega-jobanyń aıaqtalý kezeńi 1 mamyr – Qazaqstan halqynyń birligi kúnine sáıkes kelip otyr. Aldaǵy jyly Oral qalasynda qoǵamdyq kelisim jáne áleýmettik bastamalar ortalyǵy – Dostyq úıi salynatyn bolady. Búginde QHA aıasynda salynatyn etnomádenı keshenniń qurylys jobasy beki­tildi», dedi. Sondaı-aq, ol búgin­de Batys Qazaqstan oblysy Re­seı­diń 5 shekaralas oblystarynda qonystanǵan qazaq dıasporalarymen ózara yntymaqtastyq baǵytyndaǵy jumystardy jolǵa qoıǵanyn jetkizdi. Brıfıng sońynda jýrnalıs­ter ádettegideı ózderiniń saýaldaryn qoıdy. Máselen, bul kúni jýrnalısterdi Aqtóbe qalasyn mekendeıtin syǵandardyń Assam­bleıaǵa múshelikke ótý máselesin osydan 3 jyl buryn kóterýine oraı, búginde bul máseleniń qalaı sheshimin tapqany qyzyqtyrdy. Osy oraıda, Qazaqstan Prezıdenti janyndaǵy Etnosaralyq jáne konfessııaaralyq qatynastardy zertteý ortalyǵynyń basshysy Aıgúl Sádýaqasova Aqtóbe syǵandarynyń resmı túrde óz etnomádenı birlestigin qurǵanyn, tıisinshe Qazaqstan halqy As­sambleıasyna múshe retinde qa­byl­danǵanyn jetkizdi. Bul oraıda ol: «BUU-nyń Jenevadaǵy oty­rysynda Qazaqstandaǵy sy­ǵandar máselesi týyndaǵan bolatyn. Qazirgi ýaqytta Aqtóbede syǵandardyń 2 etnomádenı bir­lestigi tirkeldi. Olar Assam­bleıanyń quramyna kirip, óz jumystaryn jalǵastyrýda», deı ke­le, elimizdegi syǵandar qazaqstandyq ortaǵa beıimdelgenin, qazirgi tańda olardyń balalary mektepte, joǵary oqý oryndarynda bilim alyp jatqanyn, ózderin Qazaqstan qoǵamyna beıimdelgen etnostyq top retinde sanaıtynyn jetkizdi. Láıla EDILQYZY, «Egemen Qazaqstan».