Qasym-Jomart Toqaev otandyq BAQ-tyń mindeti – eldegi jáne álemdegi jaǵdaı týraly halyqqa beıtarap ári jedel habar taratý ekenin eske saldy, dep habarlaıdy Egemen.kz.
«Bizdiń jýrnalıster ultty qazaqstandyq qundylyqtardyń tóńiregine toptastyrý, memlekettiligimiz ben halyq birligin nyǵaıtý sııaqty eń mańyzdy mıssııany atqaryp jatyr... Rasynda da bizdiń zamanda feık jańalyqtar, bir sózben aıtqanda, jalǵan aqparat keń etek aldy. Qazaqstanǵa qatysty ulttyq birlikke nuqsan keltirýdi kózdeıtin maqsatty jalǵan aqparat dep atalatyn erekshe baǵyt bar. Biz bul máselede asa qyraǵy bolyp, arandatýshylyqqa boı aldyrmaýymyz kerek», dedi Qasym-Jomart Toqaev
Prezıdenttiń aıtýynsha, Qazaqstandaǵy baspa BAQ, radıo, teledıdar, jalpy alǵanda, ultaralyq qatynastar salasyn obektıvti túrde kórsetedi.
«Biraq álemde bolyp jatqan sońǵy oqıǵalar keıde qoǵamymyzdy aqparattyq turǵydan adastyryp jiberetinin de kórip júrmiz. Elimizdiń árbir azamaty qoǵamdyq salaǵa qadam basqanda ulttyq múddelerimizdi, Qazaqstannyń ulttyq múddelerin, qazaqstandyq patrıotızm qaǵıdattaryn basshylyqqa alýy asa mańyzdy. Burynǵydaı bolǵan jáne bola beretin syrtqy qaqtyǵystar halyq arasynda arazdyq týdyrýda ultaralyq arazdyqty qozdyrý úshin paıdalanylýyna jol berilmeıdi», dedi memleket basshysy.