Memleket basshysy Qasym-Jomart Toqaevtyń Ata zańǵa ózgerister men tolyqtyrýlar engizý jóninde respýblıkalyq referendým ótkizý týraly usynysyna Senat depýtattary qoldaý bildirip, pikirlerimen bólisti, dep habarlaıdy Egemen.kz.
«Jańa Qazaqstanda qoǵamnyń pikiri – aldyńǵy orynda. Prezıdentimiz óziniń osy bastamasy arqyly azamattardy el ómirine belsene aralasýǵa shaqyryp otyr. Bul qadam, bir jaǵynan, bılik pen qoǵamnyń arasyndaǵy álsiregen senimdi nyǵaıtýǵa da oń yqpalyn tıgizetini anyq. Memleket basshysy Qazaqstandy demokratııalyq qundylyqtar negizinde nyǵaıtýǵa mán berip otyr. Prezıdentimizdiń tikeleı bastamasymen qolǵa alynǵan reformalardyń deni saıası transformasııany kózdeıdi. Konstıtýsııalyq ózgeristerdi tutas ulttyń talqysyna salý bastamasyn da demokratııaǵa negizdelgen saıası jańarýdyń belgisi dep qabyldaımyn», dedi senator Beıbit Isabaev.
Al, senator Murat Baqtııaruly óz kezeginde osyndaı referendýmnyń 27 jyl buryn ótkenin aıta kelip, ol kezde qoldanystaǵy Ata Zańymyz qabyldanǵanyna toqtaldy.
«Shynynda da ekinshi Konstıtýsııany 1995 jyly 30 tamyzda jalpyhalyqtyq referendým arqyly qabyldanǵan edi. Sodan beri 27 jyl ýaqyt ótipti. Oǵan qanshama ózgertýler engizildi. Qazir jaǵdaı múldem bólek. Prezıdenttiń basty ustanymy halyqtyń únine qulaq asatyn bir - birine táýelsiz Atqarýshy, Zań shyǵarýshy jáne Sot bıligin ornatý. Búkil órkenıetti elderdiń ustanymy osyndaı. Demokratııanyń budan basqa joly joq. Sondyqtan da prezıdentimizdiń jalpyhalyqtyq referendým arqyly Ata zańǵa ózgerister engizý usynysy - keleshek tarıhı-saıası sheshim bolyp qalatyny sózsiz», dedi ol.
Senator Aqmaral Álnazarova óz kezeginde Konstıtýsııaǵa engizilý josparlanǵan bul túzetýler irgeli sıpatqa ıe ekenin jáne eldiń saıası júıesin túbegeıli ózgertetinin atap ótti.
«О́z basym bul usynysty quptarlyq dep kórem, sebebi bul referendým Prezıdentimizdiń «halyqtyń únine qulaq asatyn memleket» konsepsııasynyń jalǵasy retinde sııaqty. Ondaǵy basty ıdeıa azamattyń múddeleri basty orynǵa shyǵatyn, onda memlekettik organdardyń azamattarmen ózara árekettese otyryp, azamattardyń sheshim qabyldaý jáne olardyń baqylaý prosesine tartylýyna múmkindik beretin kedergisiz memleket qurý dep bilemin», dedi senator.