Qasym-Jomart Toqaevqa Memlekettik qyzmet haby basqarýshy komıtetiniń tóraǵasy Álıhan Baımenov memlekettik basqarýdaǵy jahandyq úderister týraly málimet berdi, dep habarlaıdy Egemen.kz Aqordaǵa silteme jasap.
Sonymen qatar Prezıdenttiń memlekettik apparatty bıýrokratııadan aryltý týraly Jarlyǵyn júzege asyrýdyń tıimdi joldary talqylandy. Saladaǵy jemqorlyqpen kúres tásilderin jáne memlekettik qyzmetshilerdiń biliktiligi men kásibıligin úzdiksiz damytyp otyrý jaıynda pikir almasty.
Kezdesýde memlekettik qyzmet pen memlekettik apparattyń jumysyn jetildirýde halyqaralyq yntymaqtastyqtyń mańyzdy ekeni aıtyldy. Sondaı-aq úzdik halyqaralyq tájirıbelerdi elekten ótkizip, memlekettik apparat jumysyna paıdalaný qajet ekeni atap ótildi.