Erlan Qarın Ulttyq qoǵamdyq senim keńesiniń múshelerimen birge Qyzylorda oblysynyń jurtshylyǵymen kezdesý ótkizdi, dep habarlaıdy Egemen.kz Aqordanyń baspasóz qyzmetine silteme jasap.
Aldymen Memlekettik hatshy men Ulttyq keńes músheleri Qyzylorda oblysynyń aktıvimen júzdesti. Oblys ákimi Nurlybek Nálibaev óńirdiń ekonomıkalyq damýynyń negizgi baǵyttary men áleýmettik mańyzy bar ınfraqurylymdyq jobalardyń júzege asyrylýyna toqtaldy.
О́z kezeginde, Memlekettik hatshy konstıtýsııalyq reformanyń negizgi baǵyttary týraly aıtty.
Kezdesýde UQSK múshesi Murat Ábenov konstıtýsııalyq reformaǵa qatysty túsindirme berdi. Ol saıası reformalar men konstıtýsııalyq ózgertýlerdi ázirleý barysyndaǵy talqylaýlarǵa sarapshylar men qoǵam qaıratkerleriniń, onyń ishinde Ulttyq keńes músheleriniń qatysqanyn jetkizdi. Sonymen qatar, konstıtýsııalyq reformany ázirleýdiń ár kezeńinde qoǵamdyq talqylaýlar júrgizildi. Nátıjesinde jurtshylyq usynys-pikirleriniń basym bóligi eskerildi.
Sonymen qatar, Memlekettik hatshy men UQSK músheleri shyǵarmashylyq zııaly qaýym ókilderi jáne oblystyń qoǵamdyq keńes múshelerimen kezdesti. Jıynda bilim, mádenıet jáne óskeleń urpaqqa rýhanı-patrıottyq tárbıe berý máseleleri kóterildi. Qoǵam ókilderi elimizde júrgizilip jatqan saıası reformalar men jalpyhalyqtyq referendým ótkizýdiń mańyzdylyǵyn atap ótti.
Odan keıin Qyzylorda oblysynyń qoǵamdyq keńes múshelerimen kezdesý ótti. Kezdesýde qoǵam belsendileri, sarapshylar jáne memlekettik qyzmetkerler arasyndaǵy ózara is-qımyldyń tıimdiligin arttyrý jaıynda áńgime qozǵaldy.
Budan soń Erlan Qarın óńirdiń belsendi jastarymen kezdesti. Kezdesýge qatysýshylar jumyspen qamtý jáne jastarǵa arnalǵan áleýmettik qoldaý baǵdarlamalarynyń oryndalý jaıyn talqylady. О́z kezeginde Memlekettik hatshy Prezıdent janyndaǵy Jastar saıasaty jónindegi keńestiń qyzmetine toqtalyp, jas býynnyń eldegi qoǵamdyq-saıası ómirge aralasýynyń mańyzdylyǵyn atap ótti.
Jalpy, kezdesýler aıasynda aımaqtyń qoǵam belsendileri Konstıtýsııaǵa engiziletin ózgertýler men jalpyhalyqtyq referendým ótkizý ıdeıasyn qoldady.