13 mamyrdan bastap Qazaqstan men Túrkııa arasyndaǵy jolaýshylar áýe tasymaly eki esege artady, dep habarlaıdy Egemen.kz IIDM baspasóz qyzmetine silteme jasap.
Memleket basshylary Qasym-Jomart Toqaev pen Rejep Taıyp Erdoǵannyń Ankarada ótken shaǵyn quramdaǵy kezdesýi kezinde Indýstrııa jáne ınfraqurylymdyq damý mınıstri Qaıyrbek О́skenbaev 13 mamyrdan bastap Qazaqstan men Túrkııa arasyndaǵy jolaýshylar áýe tasymaly eki esege artatynyn aıtty.
IIDM basshysy óz sózinde Qazaqstan men Túrkııa arasyndaǵy avıasııa salasyndaǵy yntymaqtastyq artyp kele jatqandyǵyn baıandady. Búginde áýe qatynastary boıynsha Úkimetaralyq kelisim negizinde elder arasyndaǵy turaqty reısterdiń jıiligi boıynsha aptasyna 61 jolaýshylar reısi oryndalýda. Atap aıtqanda, osy merzim aralyǵynda otandyq Air Astana, Fly Arystan jáne SCAT áýe kompanııalary 37 reıs oryndasa, túrkııalyq Turkish Airlines jáne Pegasus kompanııalary 24 reıs júzege asyrýda. Jolaýshylar Ystanbul men Ankaraǵa jáne keri qaraı Nur-Sultan, Almaty, Aqtaý, Aqtóbe, Atyraý, Shymkent jáne Túrkistan qalalary arqyly usha alady.
Endi 13 mamyrdan bastap ushý sany aptasyna 63 reıske artpaq. Sáıkesinshe, elder arasyndaǵy apta saıynǵy reıs sany 124-ke deıin ósetin bolady.
«Bıylǵy jyldyń 13 mamyrynan bastap Antalııa jáne Bodrým baǵyttarynda qatynaıtyn Air Astana, SCAT, Turkish Airlines áýe kompanııalarynyń reıs sany birtindep artady. Qosymsha reıster Nur-Sultan, Almaty, Aqtaý, Aqtóbe, Atyraý, Qaraǵandy, Qostanaı, Oral, Shymkent jáne О́skemen arqyly iske asyrylady», dedi Q. О́skenbaev.
Máselen, SCAT Antalııaǵa aptasyna 29 jańa reısti Nur-Sultan (aptasyna 7 reıs), Almaty (6), Aqtóbe (3), Atyraý (3), Shymkent (2), Qaraǵandy (2), Oral (2), Qostanaı (2), Aqtaý (1), О́skemen (1) qalalarynan júzege asyrady. Al Air Astana Nur-Sultan jáne Almatydan Antalııa (7 reısten) men Bodrýmǵa (2 reısten) aptasyna 18 reıs jasamaq.
Turkish Airlines Antalııaǵa aptasyna 16 reısti Nur-Sultan (5 reısten), Almaty (4) jáne Qaraǵandydan (3) jáne Bodrýmǵa Nur-Sultan (2 reısten) men Almatydan (2) oryndaıdy.
Qaıyrbek О́skenbaevtyń aıtýynsha, bıylǵy jyldyń mamyr aıynda Indýstrııa jáne ınfraqurylymdyq damý mınıstrligi memleketter arasyndaǵy áýe tasymalyn odan ármen arttyrý men ushý geografııasyn keńeıtý boıynsha eki eldiń áýe bıligi ókilderiniń kelissóz júrgizý usynǵan. О́z kezeginde bastama qoldaý taýyp, kelissózder osy jyldyń shilde aıynda Ystanbul qalasynda ótedi.
Eske salaıyq, COVID-19 pandemııasyna deıin Qazaqstan men Túrkııa arasynda aptasyna 65 áýe tasymaly júzege asyrylǵan.