Brazılııada ótip jatqan Sýrdlımpıada oıyndarynda Qazaqstan quramasy tabysty óner kórsetýde. Bul joly qorjynymyz taǵy tórt medalmen tolyqty.
Kezekti jarys kúni balýandarymyz qýantty. Grek-rım kúresinen ótken beldesýde Qaırathan Shonkýdyń asqan sheberligine tánti boldyq. 130 kılo salmaqta kúsh synasqan qandasymyz qarsy kelgenderdiń barlyǵyn qoǵadaı japyryp, fınalda ol túrkııalyq Mehmet Iýsaldymen aıqasty. Bul tartys Qaırathannyń aıqyn jeńisimen aıaqtaldy.
97 kılo salmaqta kúresken Asylan Tájıevtiń de jeńis tuǵyrynyń eń bıik satysyna kóterilýge jaqsy múmkindigi boldy. Alaıda sheshýshi tusta jeńilis tapqan ol kúmis medaldy moınyna ildi. Al Aldııar Baltashev (60 kılo) pen Nurjan Asan (77 kılo) beldesýlerin qola júldemen qorytyndylady.