«Djıro d’Italııa» kópkúndiginiń besinshi kezeńi 30 jastaǵy Fransııanyń veloshabandozy Arno Demardyń (Groupama-FDJ) jeńisimen aıaqtaldy.
Katanııa men Messına aımaqtary aralyǵyn jalǵaǵan 174 shaqyrym qashyqtyqty Demar 4 saǵat 03 mınýt 56 sekýndta júrip ótti. Odan keıingi satylarǵa kolýmbııalyq Fernando Gavırııa (UAE Team Emirates) men ıtalııalyq Djakomo Nıssolo (Israel-Premier Tech) jaıǵasty. Al jalpy eseptegi jaǵdaı ótken kezeńmen salystyrǵanda esh ózgergen joq. AQSh-tyń Trek-Segafredo klýby sapynda óner kórsetetin Hýan-Pedro Lopes áli de aldyna jan salar emes. Nemisterdiń BORA-hansgrohe komandasynyń veloshabandozy Lennard Kemna ony ókshelep keledi. Úshinshi oryndy estonııalyq Reın Taaramıae (IntermarchéWanty-Gobert Materiaux) ıelenýde.
Apennın túbegindegi jarysta «Astana» áli de qulashyn keńinen jaıa alatyn emes. Qazaqstandyq klýbtyń músheleri arasynda ozǵan 25 jastaǵy kolýmbııalyq legıoner Harold Tehadanyń nátıjesi – 28-oryn.