Tennısten Italııada ótip jatqan iri halyqaralyq týrnırdiń ekinshi kezeńi aıaqtaldy. Qazaqstannyń oıynshylary arasynan alǵashqy bolyp Elena Rybakına kortqa shyqty.
Alǵashqy aınalymda reseılik Elına Avanesıannan aılasyn asyrǵan qazastandyqtyń kelesi kúni AQSh-tyń ókili Loren Devıspen sheberlik baıqasty. Jerlesimizge WTA tiziminde 89-orynda turǵan 26 jastaǵy tennısshini utý asa qıyndyq týǵyzǵan joq. Eki settik saıys 6:4, 6:3 esebimen Elenanyń paıdasyna sheshildi. Al Iýlııa Pýtınseva tym myqty qarsylasqa tap boldy. 28 jastaǵy Garbıne Mýgýrýsa kezinde álemdik reıtıngte kósh bastap, «Rolan Garros» pen «Ýımboldonnyń» jeńimpazy atandy. Aýstralııanyń ashyq birinshiliginiń fınalynda oınady. Qazirgi kezde ol úzdikter tiziminde 10-oryndy ıelenýde. Osyndaı myqty oıynshymen Iýlııa esh aıanbaı aıqasty. Birinshi set Garbıneniń paıdasyna sheshildi – 6:3. Ekinshi set taı-breıkke deıin ulasyp, bul joly jerlesimiz jeńiske jetti – 7:6. Sheshýshi kezeńde Pýtınseva sheberliktiń shynaıy úlgisin kórsetip, áıgili qarsylasyn oısyrata utty – 6:1. Bul báseke 2 saǵat 17 mınýtqa sozyldy.
Úshinshi aınalymda Elena Rybakına shveısarııalyq Hıl Belen Taıhmanmen sheberlik baıqassa, Pýtınseva týnıstik Ons Jabermen kúsh synasady.