Aqtaýda 6656 áskerı bóliminiń áskerı qyzmetkeri patrýldik baǵytty ruqsatsyz tastap ketken, dep habarlaıdy Egemen.kz Lada.kz-ke silteme jasap.
Ulttyq ulannyń 6656 áskerı bólimi bul derekti rastady. Qazir izdeý jumystary jalǵasyp jatyr. Belgili bolǵandaı, 18 jastaǵy ásker qataryna shaqyrylǵan sarbaz Baǵlan Ádilbekov 14 mamyr kúni túnde saǵat 22:55-te 4-shaǵynaýdandaǵy patrýldik baǵyttan shyǵyp ketken.
Áskerı qyzmetker QR Ulttyq ulanynyń «Ulttyq Ulan» degen jazýy bar kók tústi formasy men qara tústi áskerı aıaq kıim kıgen. Boıy 160-170 santımetr, shashy qara, kózi qońyr.