«Qazaqstan Respýblıkasynyń Ulttyq mýzeıi» RMQK basshylyǵy bıýdjet qarajatyn jymqyrdy degen kúdikke ilindi, dep habarlaıdy Egemen.kz Sybaılas jemqorlyqqa qarsy is-qımyl agenttigine silteme jasap.
«Nur-Cultan qalasy boıynsha Cybaılas jemqorlyqqa qarsy qyzmet Mádenıet jáne sport mınıstrliginiń «Qazaqstan Respýblıkasynyń Ulttyq mýzeıi» RMQK laýazymdy tulǵalaryna qatysty «Altyn adamnyń álem mýzeılerine sherýi» halyqaralyq kórmesin ótkizý boıynsha Memlekettik satyp alý týraly shart aıasynda 146 mln teńge somasynda bıýdjet qarajatyn jymqyrý belgileri boıynsha sotqa deıingi tergeý júrgizýde», delingen vedomstvo habarlamasynda.
Sharttyń jalpy somasy 1,2 mlrd teńgeni quraıtyny anyqtaldy.
Tergeý sotynyń sanksııasymen qazirgi ýaqytta tintý, sondaı-aq kýálardan jaýap alý jáne basqa da tergeý áreketteri júrgizilýde.
«Is boıynsha túpkilikti sheshim qylmystyq is júrgizý zańnamasynyń talaptaryn oryndaý nátıjeleri boıynsha qabyldanady. О́zge aqparat tergeý múddesinde jarııa etilmeıdi», dep qosty agenttikten.