Bul týraly búgingi Úkimet otyrysynda Indýstrııa jáne ınfraqurylymdyq damý mınıstri Qaıyrbek О́skenbaev málimdedi, dep habarlaıdy Egemen.kz.
Mınıstrdiń aıtýynsha, elimizdegi avtomobıl joldarynyń jalpy uzyndyǵy 96 myń shaqyrymdy quraıdy. Onyń ishinde 25 myń shaqyrymy – respýblıkalyq mańyzy bar joldar bolsa, qalǵan 71 myńy – oblystyq jáne aýdandyq mańyzy bar joldar.
«2025 jylǵa deıin respýblıkalyq mańyzy bar joldardyń normatıvtik jaǵdaıdaǵy úlesin 100 paıyzǵa, jergilikti jeli joldarynyń úlesin 95 paıyzǵa deıin jetkizý kózdelip otyr», dedi Q. О́skenbaev Úkimet otyrysynda.
Kólik-tranzıttik áleýetti arttyrý mindetterin iske asyrý 8 kólik dálizin jańǵyrtý arqyly qamtamasyz etiledi.
«Búginde jalpy barlyq dálizder tolyq qýatynda jumys istep tur. Jekelegen ýchaskeler boıynsha ótkizý qabiletin arttyrý úshin rekonstrýksııalaý jumystary júrgizilip jatyr», dedi Q. О́skenbaev.