Jastar qalaýy – jarqyn keleshek

Atyraýda eldi órkendetýge enjar qaramaıtyn jastardyń bir toby Abaı ortalyǵynda bas qosyp, referendýmǵa usynylǵan ózgeristerdiń mańyzyn talqyǵa saldy. Máselen, respýblıkalyq referendýmdy qoǵamdyq qoldaý jónindegi óńirlik shtab múshesi Dáýren Seıitqalıevtiń pikirin­she, Konstıtýsııaǵa engizil­gen bu­rynǵy ózgeristerdi Parla­ment­tiń qos palatasynyń depýtattary ǵana talqylady. Buryn mun­daı óz­geristerdi engizýdi maqul­daý bu­qaranyń aralasýyn­syz sheshimin tapty. Al bul joly ózgeshe qadam jasalyp otyr. Bul – halyqtyń talqysyna usynylyp, referendým arqyly tańdaý jasaý.

– Qazir aýyldardyń ákimin jergilikti turǵyndar saılaıdy. Alaıda halyq senim artqan əkimderdiń qolynda aýyldyń áleýmettik-ekonomıkalyq jaǵ­daıyn jaqsartatyndaı tetik joq. Aýyl ákimderi tek salyq jınaý, senbilik uıymdastyrý sekildi sharýalarmen aınalysyp júr. Yqpaly joq ákim aýdandyq, qalalyq, oblystyq əkim­dikke jaltaqtap qaraıdy. Qar­jylyq məselelerdi sheshý úshin ózdiginen sheshim qabyldaýy qıyn. Endi referendýmnan ke­ıin tek aýyldyq okrýgtiń emes, aýdan, qala, oblys əkimin halyq saı­laıtyn bolsa, turǵyndardyń áleýmettik-ekonomıkalyq ahýa­lyn jaqsartý baǵytynda oń ózgeris bolatynyna úmit bar. Sol ákim saılaýyna úmitker retinde isker, tanymal, halyqpen etene aralasyp júrgen azamattar túsýge múmkindik alady, – deıdi Dáýren Seıitqalıev.

Onyń aıtýynsha, muny demo­kra­tııalyq turǵydan óte tıimdi qadam deýge bolady. Byltyr dál osyndaı batyl tásil aýyldyq okrýg ákimderiniń saılaýy kezinde tə­jirıbe retinde bastaý aldy. Bú­gin­gi qazaq qoǵamy osy úrdistiń tá­ji­rıbe kúıinde qalmaǵanyn, al­da­ǵy ýaqytta aýdan, qala ákimderi de tikeleı saılanǵanyn qalap otyr.

Otanshyldyq, patrıottyq sezimi bar jastar eldiń qoǵamdyq-saıası, áleýmettik-ekonomıkalyq órkendeýine oń yqpalyn tıgizer ózgeristerdi qoldaıdy. Sonyń dálelindeı, óńirdegi jas belsen­diler áleýmettik jelilerde re­fe­rendýmǵa qoldaý bildirý maq­satynda chellendj aksııasyn bas­tady. Onda belsendiler buqa­ra­ny referendýmǵa qatysýǵa shaqyrǵan jazbalary men vıdeolaryn bólisip jatyr.

– Biz – Atyraý joǵary medı­sı­nalyq kolledjiniń stýdent­teri Jańa, Ádiletti Qazaqstan­dy qurýǵa úlesimizdi qosqy­myz keledi. Árıne, biz áli stýdent­piz, jumysqa ornalasa qoıǵan joqpyz. Biraq elimizdiń keleshegi jarqyn bolýy úshin qoǵam­daǵy ózgeristerdi jatsynbaýy­myz kerek. Sol sebepten, búgingi qoǵam­nyń bir múshesi retinde zaman­dastarymyz aldaǵy refe­ren­dýmǵa qatysýy qajet dep esep­teımiz. О́ıtkeni biz Qazaq­stan­nyń órkendeý joly, basqarý tetigi jańarǵanyn, sol maqsat­­qa jetkizer ózgerister Konstı­tý­sııaǵa engizilgenin qalaımyz, – deı­di medısınalyq kolledjdiń stý­denti Raýshan Aıtpaeva.

Al Atyraý qalalyq máslı­hatynyń depýtaty Azamat Asyl­bekovtiń pikirine súıensek, referendým ótkizý beıjaı qaraıtyn másele emes. Munyń birneshe sebebi bar.

– Birinshiden, Prezıdenttiń mundaı bastamasyn jahan­dyq syn-qaterlerge toly qazirgi ke­zeńde eldiń saıası júıesin jedel jań­ǵyrtýǵa jasalǵan batyl qadam deýge bolady. Demek referendým – árbir azamat­qa el taǵdyryn sheshýge tikeleı qatysýǵa múmkindik beretin mańyzdy demokratııa­lyq tetik. Ekinshiden, Ata Zań­nyń bir­neshe babyna engiziletin túzetý­lerdi zerdeleıtin bolsaq, demo­kratııalyq damýǵa, Jańa Qazaqstandy qurýǵa baǵyttalǵan tyń memlekettik modeldi baı­qaı­­myz. Sýperprezıdenttik bas­qarý­­dan bas tartý arqyly saıası jú­ıeniń ornyqtylyǵy úshin tepe-teń­dik júıesin qurý kózdelip otyr. Úshinshiden, Prezıdenttiń, Or­ta­lyq saılaý komıssııasy tór­aǵa­sy men quqyq qorǵaý organdary basshylarynyń partııaǵa mú­she bolýyna tyıym salý da mańyz­dy ózgeristiń biri ekeni daý­syz. Mun­daı ózgeris partııalar arasyn­daǵy básekelestik kúrestiń negizin qalaıdy, – deıdi Azamat Asylbekov.

Atyraý oblysy