Fýtboldan Qazaqstan chempıonatynyń 12-týry aıasynda tórt kezdesý josparlanǵanymen, aýa raıynyń qolaısyzdyǵyna baılanysty eki match ótpeı qaldy.
«Qaırat» óz alańynda «Shahterdi» qabyldady. Osynyń aldyndaǵy alty oıynda jeńiske jete almaı, ótken týrda «Astanadan» oısyraı utylǵan almatylyqtar osy joly «Shahterdi» 2:0 esebimen jeńdi. «Atyraý» men «Astana» matchyn da jankúıerler qyzyǵa tamashalady. О́te tartysty ótken kezdesý 1:1 esebimen teń aıaqtaldy.
«Ordabasy» men «Aqsý» arasyndaǵy matchtyń 8-mınýtynda Kárim Sultanov alań ıelerin alǵa shyǵarǵan edi. Alaıda qatty soqqan jelden Shymkenttegi stadıonnyń shatyry qulap, báseke toqtatyldy. Sondaı-aq «Turan» men «Aqtóbe» kezdesýi de keıinge shegerildi.