Bul týraly brıfıngte IIM ókili Shuǵyla Turlybek málimdedi, dep habarlaıdy Egemen.kz.
«IIM halyqtan zańsyz saqtalǵan atys qarýyn, oq-dáriler men jarylǵysh zattardy satyp alý jónindegi respýblıkalyq aksııany jalǵastyrýda. Qarý-jaraqty óz erkimen tapsyrǵany úshin jaı-kúıine baılanysty qarýdyń árbir birligi úshin 10-nan 100-ge deıingi aılyq eseptik kórsetkish somasynda tólem kózdeledi. Aksııa ótkizilgen aıda polısııaǵa myńnan astam atys qarýy óz erkimen tapsyryldy», dedi QR IIM ókili Shuǵyla Turlybek.
Vedomstvonyń málimetinshe, onyń ishinde 1 - oıyq avtomatty, 167 - birlik oıyq uzyn uńǵyly, 4 - oıyq qysqa uńǵyly, 910 - tegis uńǵyly, 11 - travmatıkalyq, 5 - jarylǵysh qurylǵy jáne oıyq uńǵyly qarýdyń 8 myńnan astam patrondary bar.
«Qarý-jaraq zattaryn qabyldaý árbir aýmaqtyq polısııa organynda júrgiziledi. Jaraqattanýdyń aldyn alý maqsatynda jarylǵysh materıaldarmen jáne oq-dárilermen eshqandaı áreket jasamaýdy jáne bul týraly polısııaǵa habarlaýdy suraımyz», dedi Shuǵyla Turlybek.
IIM tirkelmegen atys qarýyn, oq-dárilerdi jáne jarylǵysh zattardy óz erkimen tapsyrǵan azamattar qylmystyq jáne ákimshilik jaýapkershilikten bosatylatynyn eske saldy.