Bul týraly Qorǵanys mınıstrligi Zeınetaqy ortalyǵynyń basshysy Qaıyrjan Bımoldın aıtty, dep habarlaıdy Egemen.kz.
«Úkimet bekitken eń basty norma barlyq áskerı qyzmetshiler memlekettik bıýdjet arqyly zeınetaqy taǵaıyndaý júıesine kóshti. Buryn 2016 jylǵa deıin jınaqtaý júıesinde bolǵanbyz. Bul óte jaqsy jetistik dep oılaımyn. Zeınet jasy boıynsha uzartý «Áskerı qyzmetshilerdiń mártebesi týraly» zańda qarastyrylǵan. Bıyl ol zańǵa ózgerister engizildi. Soǵan sáıkes, áskerı qyzmetshiniń jasyn 5 jylǵa deıin sozýǵa bolady», dedi Q. Bımoldın.
Sondaı-aq ol áskerı qyzmetshilerdiń zeınetaqysy qalaı esepteletinin túsindirdi.
«Zeınetaqy mólsheri áskerı qyzmetshiniń eńbek ótiline tikeleı baılanysty. Naqty aıtsaq eger 25 jyl eńbek ótili bolsa, áskerı qyzmetshige 50 paıyz zeınetaqy taǵaıyndalady. Al 25-ten astam ár jylǵa 2 paıyzdan qosylyp otyrady. Mysaly, 30 jyl eńbek ótili bar áskerı qyzmetshige óziniń alyp otyrǵan jalaqysynyń 60 paıyz zeınetaqy taǵaıyndalady», dedi ol.
Q. Bımoldın zeınetaqyny kóterý «Zeınetaqymen qamsyzdandyrý týraly» zańnyń 4-babynyń 4-tarmaǵynda da qarastyrylǵanyn, ósýdiń normalaryn nemese paıyzyn qarjy jylyna arnalǵan respýblıkalyq bıýdjet bekitetinin aıtty.