Túrkistan jáne Shymkent qalalarynda alkogol ónimin shyǵaratyn eki jasyryn seh anyqtaldy, dep habarlaıdy Egemen.kz Qarjy monıtorıngi agentigine silteme jasap.
QMA málimetinshe, Túrkistan oblysy boıynsha QMA aýmaqtyq departamentiniń qyzmetkerleri jalǵan esepke alý-baqylaý tańbalaryn qoldanyp alkogol ónimin shyǵaratyn 2 seh qyzmetin toqtatqan.
«Júrgizilgen jedel-izdestirý is-sharalary barysynda Túrkistan jáne Shymkent qalalarynda jalǵa alynǵan qoımalarda antısanıtarııa jaǵdaıynda sýrrogat alkogol ónimin óndiretin 2 jerasty sehy uıymdastyrylǵany anyqtaldy», delingen habarlamada.