Senatorlar bir kezderi qabyldanǵan zańǵa qaıta narazylyq bildirip, shet tilderin 5-synyptan bastap oqytýǵa usynys jasady, dep habarlaıdy Egemen.kz.
Senator Murat Baqtııaruly bastaýysh synyptyń bilim berý júıesindegi úshtildilik baǵdarlamasyn synǵa aldy.
«Árıne, jastardyń aǵylshyn tilin bilýi - ýaqyt talaby. Biraq oılaý, sanany damytý júıesi áli tolyq qalyptaspaǵan qazaq búldirshinderine birden úsh tildi oqytýdyń qajeti qansha?», deıdi senator.
Sondaı-aq ol álemniń eń áleýetti 30 eldiń bastaýysh synyptarynda qansha til oqytylatynyn zerttegen. Dereginshe, eki til 1-synyptan 4 elde, 2-synyptan 5 elde, 4-synyptan 12 elde oqytylady.
«Shet tilin bilý saýattylyqtyń negizgi kórsetkishi emes, álemdik ǵylymdy ıgerýge qajetti qural ǵana», dep keltirdi Murat Baqtııaruly.
Saltanat Kenjebaı