Nur-Sultanda jol jóndeý jumystaryna baılanysty kólik qozǵalysy shekteledi, dep habarlaıdy Egemen.kz qala ákimdiginiń resmı saıtyna silteme jasap.
Nur-Sultan qalasynyń Kólik jáne jol-kólik ınfraqurylymyn damytý basqarmasy MM Jol qozǵalysy qaýipsizdigin qamtamasyz etý maqsatynda Nur-Sultan qalasy PD ákimshilik polısııa basqarmasynyń kelisimi boıynsha Bógenbaı batyr estakadasyna jaqyn jerde Shoqan Ýálıhanov kóshesi jaǵynan (oń jaǵy) jol tósemin ortasha jóndeý jumystarynyń bastalǵany týraly habarlaıdy.
Osyǵan baılanysty, aǵymdaǵy jylǵy 3 maýsym saǵat 19:00-den 6 maýsym saǵat 6:00-ge deıin Shoqan Ýálıhanov kóshesinen Ál-Farabı dańǵylyna deıingi jol ótpesine kireberistiń oń jaǵy boıynsha avtokólik quraldary úshin qozǵalys tolyǵymen jabylatyn bolady. Avtokólik quraldary úshin qozǵalys jol ótpesiniń sol jaǵy boıynsha qaıta baǵyttalady.
«Elorda turǵyndary men qonaqtary qala joldarynda keptelis týdyrmaý úshin qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz», delingen habarlamada.
Aıana Toǵanbek