5 maýsym kúni Qazaqstanda Konstıtýsııaǵa túzetýler boıynsha jalpy respýblıkalyq referendým ótedi. Elorda turǵyndary óz pikirlerin bildirip, referendýmdy qoldaıtyndaryn jáne saılaý ýchaskelerine barýǵa daıyn ekenderin aıtty. Bul týraly Egemen.kz 24.kz-ke silteme jasap habarlaıdy.
Elorda turǵyndary 5 maýsymda saılaý ýchaskelerine baryp, elimizdiń bolashaǵy úshin mańyzdy tańdaý jasaıtynyn, ózderiniń konstıtýsııalyq quqyǵyn paıdalanýǵa daıyn ekendikterin bildirdi.
«Shaqyrtý aldym, páterime ákelip, qolyma ustatty. Árıne, bárimiz baramyz dep daıyndalyp otyrmyz. Qazaqstannyń barlyq azamaty elimizdiń erteńine áser etetin sheshimge qatysýy kerek. Biz alǵa jyljyp, órkendeýimiz kerek», dep atap ótti astanalyqtar.
Elordalyqtardyń kóbisi konstıtýsııalyq túzetýlerdi qoldaıtynyn jetkizdi:
«Kez kelgen salada ózgeris qajet, árkim jańa nárse jasaýǵa umtylýy kerek. О́zgerister qajet, 30 jyldan beri sheshilmeı kele jatqan problemalar kóp, endi úlken ózgeristerdi kútemiz. Jeksenbi kúni árıne, búkil otbasymyzben baramyz».
«Mindetti túrde baramyz, óz pikirimizdi aıtýymyz kerek. Ár adam óz pikirin jasyrmaı, aıta alatyn kezeń óte mańyzdy dep esepteımin. Bul Qazaqstannyń árbir azamaty úshin úlken artyqshylyq degen oıdamyn. О́z quqyǵymyzdy paıdalanýymyz kerek», deıdi qala turǵyndary.