Qasym-Jomart Toqaev qazaqstandyqtardy aldaǵy referendýmǵa atsalysýǵa shaqyrdy, dep habarlaıdy Egemen.kz.
«Aldaǵy referendým memleketimizdi nyǵaıtýǵa jáne qoǵamdy tyń serpinmen damytýǵa jol ashady.
Men árbir azamatymyzdy el taǵdyryn aıqyndaıtyn tarıhı tańdaý jasaýǵa shaqyramyn. Bul referendýmda ár azamattyń daýysy mańyzdy.
Árbir azamat tutas ulttyń taǵdyryna, ıaǵnı tikeleı óz taǵdyryna oń yqpal ete alady. Endeshe, 5 maýsym kúni óz tańdaýymyzdy jasaıyq!
Jańa Qazaqstandy bárimiz birge quraıyq», dedi Prezıdent.