Ulybrıtanııa patshaıymy Elızaveta II óziniń tarıhı bıliginiń 70 jyldyǵyn toılaýdyń sońǵy kúni Býkıngem saraıyna keldi, dep habarlaıdy Egemen.kz
Korolevamen birge onyń otbasy músheleri - Charlz ben jubaıy Kornýoll gersogınıasy Kamılla, hanzada Ýılıam men Kembrıdj gersogınıasy Ketrın úsh balasymen qatysty.
Bul joly ashyq jasyl kıinip, ádemi taıaq ustaǵan 96 jastaǵy patshaıym zaldan kúlimsirep shyqty. Ol Iýnıon Djektiń týyn qolyna alǵanda jınalǵan qaýym shapalaqtap, máz bolysty. Elızaveta II mereıtoıǵa oraı ózine kórsetilgen qurmetke rıza ekendigin jetkizdi.
Aıta keteıik, bul monarhtyń mereıtoıy kezinde balkonǵa úshinshi ret shyǵýy edi. Buǵan deıin ol otbasymen birge ushyp bara jatqan ushaqty baqylaǵan. Al beısenbi kúni «Túrli tústi» áskerı sherýden oralǵan sarbazdardyń otshashýyn tamashaldy. Sol kúni keshke ol Vındzor qamalyndaǵy maıakty jaǵý rásimine de qatysqan edi.
Jeksenbi kúngi balkonǵa shyǵý rásimimen mereıtoı keshi ádemi aıaqtaldy. Buǵan deıin onyń qurmetine arnalǵan halyqtyq baıqaýǵa qatysý úshin Londonnyń ortalyq kóshelerine 6 myń adam shyqqan.3 shaqyrymdyq joldy Ulybrıtanııanyń áskerı qyzmetkerleri, sýretshileri, negizgi jumysshylary men eriktileri júrip ótti. Osydan 70 jyl buryn ótken táj kıgizý rásimin qaıta jasady. Al karnaval sherýi Vestmınster kóshelerimen, saýda ortalyǵy men Býkıngem saraıyna deıin jetti.
Gúldana Elýbaı