Halyqaralyq uıym ókilderi joǵary baǵalady

Talaptar múltiksiz saqtaldy

Shanhaı yntymaqtastyq uıy­­mynyń bas hatshysy Chjan Mınniń aıtýynsha, referendýmda halyqaralyq baıqaýshylarǵa júktelgen mıssııany oryndaýǵa barlyq jaǵdaı qarastyryl­dy. Sonymen qosa Qazaqstannyń saılaý zańnamasy men halyq­ara­lyq mindettemeleriniń talap­tary múl­tiksiz saqtalǵanyn jet­kizdi.

«3-5 maýsym aralyǵynda ShYU delegasııasy Qazaq­stan­­­nyń Syrtqy ister mınıs­trliginiń shaqyrtýymen refe­rendýmda baıqaý mıssııasyn atqardy. Halyqaralyq mıs­sııanyń quramy 17 músheden turdy. Onyń qatarynda uıymǵa múshe elderdiń atqarýshy jáne zańnamalyq organdardyń ókil­deri, sol sekildi ShYU laýazymdy tulǵalary boldy.

Atalǵan mıssııa ókilderi Ortalyq referendým komıssııasymen tyǵyz jumys istedi. Budan basqa Nur-Sultandaǵy halyqtyń referendýmǵa qatysý úderisine baıqaý júrgizildi», dedi Ch.Mın.

Sheteldik delegasııa refe­rendým barysynda daýys berý­shilerdiń quqyǵynyń buzylýy nemese múmkindigin shekteý syndy jaǵdaılar tirkelmegenin aıtty.

«Bizdiń mıssııa Ortalyq re­ferendým komıssııasy men qo­ǵamdyq uıymdardyń tájirı­be­lik materıaldary negizinde ortaq sheshimge kelip otyr. Atap aıtqanda, uıym Qazaqstan tarapy óziniń talaptaryn to­lyq oryndady dep sanaıdy. Kon­stı­týsııaǵa ózgerister engizý týraly referendým halyqaralyq standarttar men Qazaqstannyń saı­laý zańnamasyna saı ótti. Da­ýys berý kezinde qandaı da bir zań buzý faktileri tirkelgen joq. Bizdiń mıssııa referendým ashyq, ádil, demokratııalyq túrde ótti degen qorytyndyǵa keldi. Qazaqstannyń Syrtqy ister mınıstrligine ShYU mıssııa múshelerine baıqaýshy retinde mindetin atqarýǵa barlyq jaǵdaıdy qarastyrǵany úshin rızashylyǵymyzdy bildiremiz», dedi Shanhaı yntymaqtastyq uıymynyń bas hatshysy.

Joǵary deńgeıde uıymdastyryldy

Túrki memleketter uıymy Bas hat­shysynyń orynbasary Gızmat Gozalovtyń pikirine súıensek, Ortalyq komıssııa referendýmdy ádil ári zańda belgilengen merzimde ótkizdi.

«Referendým jaqsy uıym­­­dastyrylyp, kásibı túrde ótki­zildi. Aıtarlyqtaı buzý­shy­lyqtar bolǵan joq. Daýys berý jáne ony sanaý da ashyq ótti. Ákimshilik jáne qu­qyq qor­ǵaý organdary tarapynan re­ferendým komıssııasy­nyń jumysyna zańsyz aralasý jaǵdaılary tirkelmedi. Halyqaralyq baıqaýshylar saı­laý ýchaskelerine baryp, on­da qyzmet kórsetken laýazym­dy tulǵalar týraly tolyq aq­paratqa ıe boldy. Erkin daýys berý prosesi qamtamasyz etil­di. «Qazaqstannyń referen­dým týraly» Zańynda jergi­likti qoǵamdyq birlestikter men ha­lyqaralyq baıqaýshylar­dyń saılaý prosesin baqylaý­ǵa bar­lyq qajetti múmkindik qa­ras­tyrylǵan. Sondaı-aq ult­tyq baı­qaýshylardyń belsendi qa­tysýyna kýá bolyp, bul re­­­ferendýmnyń ashyqtyǵy men qo­ǵamdyq eseptiligin kú­sheıtetinin aıtqymyz ke­ledi. Mıssııa referendým nátı­jelerine áser etýi múmkin aıtar­lyqtaı tehnıkalyq prob­le­malardyń joq bolǵanyn es­ke­rip otyr», dedi G.Gozalov.

Qoǵamdyq baqylaý qyraǵy boldy

Reseı Federasııasy Orta­lyq saılaý komıssııa­sy­nyń múshesi Pavel Andreev aıt­qan­daı, Qazaq­stan Ata Zańǵa túze­týler en­gizý prosedýrasyn abyroımen ótkizdi.

«Konstıtýsııaǵa plebıssıt, referendým ótkizý arqyly tú­zetýler engizý mańyzdy she­shim. Azamattar ýchaskelerge ke­lip, daýys berdi. Jaqsy kó­ńil kúıdi baıqadyq. Nur-Sul­tan qalasy men Aqmola oblysyn­daǵy ýchaskelerdi araladym. Barlyq jerde adamdar otbasylarymen kelip, daýys berip jatty. Ortalyq referendým komıssııasy úlken jumys istep, biz bolǵan ýchaskelerde daýys berý nátıjelerine áser etýi yqtımal oqıǵalar nemese buzýshylyqtar tirkelgen joq. Referendýmda qoǵamdyq baqylaýdyń da joǵary bolǵanyn aıta ketken oryndy», dedi P.Andreev.

Ortalyq referendýmnyń komıssııasynan elimizdegi aýqymdy is-sharany baqylaýǵa 25 memleketten 300-ge jýyq halyqaralyq baıqaýshy akkre­dıt­teldi.