Almatylyq kásipker Araılym Qyrǵyzbekova Almaty Business-2025 óńirlik baǵdarlamasyn paıdalanyp, Britannica balabaqshasyn damytýǵa jyldyq 6% mólsherlememen 9 mln teńge kóleminde jeńildetilgen nesıe aldy.
Balabaqshada brıtandyq bilim berý júıesi engizilgen, ol óskeleń urpaqty tárbıeleýdiń kópjyldyq dástúrlerine negizdelgen jáne álemdegi eń úzdikterdiń biri bolyp sanalady. Onyń ereksheligi, mindetti pándermen qatar balalar qorshaǵan álemdi bilim berý oıyndarynyń kómegimen úırenedi. Bul jerde ár balanyń jeke damýy, onyń daıyndyq deńgeıi, qabyldaýy, oılaýy jáne este saqtaýy eskeriledi.
«Biz aǵylshyn tildi ortany qurýǵa tyrystyq, sińirý ádisin qoldanamyz: bizde aǵylshyn tilin sheteldikter úıretedi. Aǵylshyn tilinde aıkıdo, horeografııa, mýzyka, baby yoga, shahmat seksııalary bar. Aǵylshyn tilimen qatar balalar qazaq tilin úırenedi. Balabaqshanyń artyqshylyǵy – shaǵyn toptar, árqaısysynda 12 baladan aspaıdy, bul ár balaǵa jeke-jeke nazar aýdarýǵa múmkindik beredi. Bizdiń maqsatymyz – óz betinshe oılaıtyn, zertteýdi jáne qurýdy jaqsy kóretin adamdy tárbıeleý», deıdi balabaqsha dırektory Araılym Qyrǵyzbekova.
Odan basqa Britannica-da demalys kúnderi qyzmet kórsetiledi. Bul jumys kestesi normalanbaǵan nemese aıaqastynan issaparǵa baratyn ata-analar úshin óte yńǵaıly. Almaty qalasynda alǵash ret mektepke deıingi bilim berýde balalardy balabaqshada bolǵan kezde saqtandyrý júıesi engizildi. Bul kóptegen sheteldik ata-analar baǵalaǵan mańyzdy shart.
«Meniń oıymsha, búginde Qazaqstanda bıznesti jaıly júrgizý úshin barlyq jaǵdaı jasalǵan. Bul turǵyda men memlekettik qoldaýdyń barlyq quralyn paıdalanýǵa tyrysamyn. Alǵash ret bir jyl buryn Almaty Business-2025 boıynsha jeńildetilgen nesıe aldym. Sol kezde 10 mln teńge mólsherindegi qarajatqa balalardy tasymaldaý úshin kólik satyp aldyq. Qyzmetkerlerdiń jalaqysy «Eńbek» nátıjeli jumyspen qamtýdy jáne jappaı kásipkerlikti damytý baǵdarlamasy boıynsha ishinara sýbsıdııalanady. Sondaı-aq biz «Balapan» baǵdarlamasynyń qatysýshylarymyz. Bul boıynsha ata-analardyń bilim alýǵa jumsaǵan shyǵyndarynyń bir bóligin memleket óteıdi. Bul óz isin turaqty damytý úshin paıdalanýǵa bolatyn jáne bıznes úshin qajet bolatyn úlken qoldaý», deıdi bıznesvýmen.
Kásipkerlikti qoldaýdyń qoldanystaǵy memlekettik baǵdarlamalary boıynsha keńesterdi Qoldaý kásipkerlik ortalyǵynan alýǵa bolady. О́z isin jańa bastaǵan jáne jumys istep júrgen kásipkerler memlekettik qoldaý sharalary jáne jobalardy jeńildikpen qarjylandyrý týraly bile alady, bıznes-jospar jazýǵa tapsyrys bere alady, kásipkerlik negizderine oqytýdan ótip, bıznes-ıdeıalardy iske asyrý úshin belgili bir ruqsat qujattaryn ala alady.