Qasym-Jomart Toqaev Qaraǵandy oblysynda qaza bolǵan jumysshylardyń jaqyndary men týystaryna kóńil aıtý jedelhatyn joldady dep habarlaıdy Prezıdenttiń baspasóz qyzmetine silteme jasap.
«ArselorMıttal Temirtaý» aksıonerlik qoǵamynyń sehynda bolǵan apat saldarynan qazaǵa ushyraǵan jumysshylardyń otbasylary men týǵan-týystarynyń qaıǵysyna ortaqtasyp, kóńil aıtamyn. Zardap shekken azamattardyń tezirek saýyǵyp ketýin tileımin. Úkimetke jáne Qaraǵandy oblysynyń ákimine qaıǵyly oqıǵanyń sebepteri men mán-jaıyn anyqtaý úshin shuǵyl sharalar qabyldaýdy jáne qaza tapqandar men zardap shekkenderdiń otbasylaryna kómek kórsetýdi tapsyrdym» dep jazylǵan Memleket basshysynyń jedelhatynda.
Eske sala keteıik, Qaraǵandy oblysynda «ArselorMıttal Temirtaý» sehynda metallýrgııalyq peshterdi jóndeý kezinde pesh kúmbezi qulap, saldarynan 5 adam topyraq astynda qalǵanyn jazǵan edik.