Qazaqstan Prezıdenti Qasym-Jomart Toqaev Qazaqstandaǵy orys tiline qatysty pikir bildirdi, dep habarlaıdy Egemen.kz.
«Qazaqstanda orys tiliniń pozısııasy kemidi, tarylyp bara jatyr degen sózder shyndyqtan óte alshaq. Mundaı paıymnyń barlyǵy belgili bir jaǵdaıdy saıasılandyrý maqsatynda aıtylǵan. Negizinde onyń jaýabyn bilemin. Biraq bul qazirgi suhbatymyzdyń taqyryby emes. Tolyqtaı alǵanda, Qazaqstanda orys tiliniń pozısııasy qandaı da bir nasharlaýǵa ushyraǵan joq. Oǵan senimdimin. Sabaq orys tilinde ótetin mektepterdiń sanyna qatysty aıtar bolsam, olar burynǵy kólemde qaldy», dedi Qasym-Jomart Toqaev reseılik jýrnalıst Andreı Kondrashovqa bergen suhbatynda.
Sondaı-aq Memleket basshysy qazaq tiline degen suranystyń artyp kele jatqanyn aıtyp ótti.
«Túptep kelgende, memleketimizdiń ataýynyń ózinde «qazaq» sózi bar. Iаǵnı, biz qazaq tilin úırengisi keletin, balasyn qazaq mektebi men balabaqshaǵa bergisi keletin adamdardyń múddesin qamtamasyz etýge tıispiz. Orys tilinsiz qazaqtarǵa óte qıyn bolatyndyǵyna qatysty naqty túsinigimiz bar. Qazaqtar orys tilin jaqsy bilýi kerek. Biraq óziniń ana tilin de bilýi tıis», dedi Prezıdent.