QR Ádilet mınıstri Qanat Mýsın Elbasy ókilettigi týraly Konstıtýsııalyq zań joıylatynyn málimdedi, dep habarlaıdy Egemen.kz.
«Tuńǵysh Prezıdent týraly jeke zań bolýy kerek degen norma Konstıtýsııadan shyǵarylǵandyqtan, sáıkesinshe, bul zań bárinen alynyp tastalýy kerek», dedi QR Ádilet mınıstri Qanat Mýsın.
Mınıstrdiń aıtýynsha, bul Konstıtýsııaǵa engizilgen ózgeristerge sáıkes jekelegen zańnamalyq aktilerge ózgerister engizý týraly zań jobasy aıasynda bolady.
«Bul túzetýler bıylǵy jyly Parlamenttiń qaraýyna engiziledi», dep qosty Qanat Mýsın.
Eske sala ketsek, 5 maýsymda Qazaqstanda Konstıtýsııaǵa túzetýler engizý boıynsha referendým ótti. Túzetýlerdiń biri elimizdiń negizgi qujatynan Elbasy - QR Tuńǵysh Prezıdenti mártebesin alyp tastaýdy kózdedi.