ESPN jáne birneshe aqparat kózderiniń málimetinshe, qazaqstandyq boksshy Gennadıı Golovkın men meksıkalyq Saýl «Kanelo» Alvarestiń kezekti kezdesýi Las-Vegastaǵy T-Mobile Arena-da ótedi, dep habarlaıdy Egemen.kz prosports.kz-ke silteme jasap.
Tartysty jekpe-jektiń úshinshi kezeńi bıylǵy 17 qyrkúıekke josparlanǵan.
Aıta ketsek, T-Mobile Arena-da Golovkın men Alvarestiń aldyńǵy eki jekpe-jegi ótken. Boksshylar bul jerde 2017 jáne 2018 jyldary kezdesý ótkizgen. Birinshi jekpe-jek teń nátıjemen aıaqtalsa, ekinshi aıqas tóreshilerdiń sheshimimen «Kanelonyń» jeńisimen aıaqtaldy.