Qaraǵandy oblysynyń Polısııa departamenti málim etkendeı, «ArselorMıtall Temirtaý» AQ-nyń eki basshysy tórt jumysshynyń qaza bolýyna baılanysty qamaýǵa alyndy, dep habarlaıdy Egemen.kz.
«QR QK-niń 277-babynda kózdelgen qylmys jasady degen kúdik boıynsha jınalǵan materıaldardy eskere otyryp, jumys qaýipsizdigine jaýapty eki basshy ustaldy. 19 maýsymda Temirtaý tergeý soty atalǵan adamdarǵa qatysty kúzetpen ustaý túrindegi bultartpaý sharasyn sanksııalady», delingen Qaraǵandy oblysy polısııa departamentiniń habarlamasynda.
Vedomstvo aqparatyna qaraǵanda, arnaıy tergeý komıssııasy qurylyp, óndiristegi kisi ólimine baılanysty is qolǵa alyndy.
«Qylmystyq isti tergeý barysynda kásiporyn qyzmetkerleri, onyń ishinde óndiristegi qaýipsizdik tehnıkasy úshin jaýapty adamdardan jaýap alyndy», delingen departament habarlamasynda.
Eske sala ketsek, 2022 jyldyń 10 maýsymynda «Qurylysmet» JShS («AMT» AQ enshiles kásiporny) sehynyń jumys istemeıtin №9 termııalyq peshinde otqa tózimdi qalaýdy bólshekteý kezinde shatyr opyrylyp qulaǵan edi. Oqıǵa saldarynan bes jumysshy úıindiler astynda qaldy. Olardyń tórteýi mert bolyp, bireýi túrli dene jaraqattarymen aýrýhanaǵa jetkizildi.