Nur-Sultan qalasynyń Esil aýdanyna qarasty Qorǵaljyn tas joly boıyndaǵy órt sóndirilip jatyr, dep habarlaıdy Egemen.kz.
Nur-Sultan qalalyq tótenshe jaǵdaılar departamenti málim etkendeı, atalǵan aýdanda órt shyqqany týraly habarlama 101 pýltine saǵat 15:03-te túsken.
«Oqıǵa ornyna jetken órt sóndirýshiler qurǵaq shóp pen qamystyń janyp jatqanyn anyqtady. О́rt sharpyǵan aýdan aldyn ala boljamǵa sáıkes bir gektardy quraıdy. Zardap shekkender men qaza tapqandar joq. Qazirgi ýaqytta órtti sóndirýge jeke quramnyń 25 mamany, 6 órt sóndirý mashınasy jáne jergilikti atqarýshy organnyń 4 sý shashatyn tehıkasy men bir traktory jumyldyrylǵan. О́rt saǵat 17:31-de jartylaı sóndirildi. Ottyń Nur-Sultan qalasynyń jasyl beldeýine, qurylys nysandaryna taralý qaýpi joq», delingen habarlamada.