Almaty mańynda jolaýshylar avtobýsy júk kóligimen soqytyǵysty. Jol apaty saldarynan 36 jastaǵy er adam qaıtys boldy. Sonymen qatar 11 adam aýrýhanaǵa jetkizildi, dep jazady Egemen.kz.
Almaty oblystyq polısııa departamentiniń habarlaýynsha jol apaty 21 maýsymda túnde Jambyl aýdanynyń Jańaqurylys aýyly janynda bolǵan.
Anyqtalǵandaı Van Hool avtobýsynyń rólinde 43 jastaǵy Túrkistan oblysynyń turǵyny otyrǵan. Ol Almaty-Bishkek jolynyń 55 shaqyrymynda rólge ıe bola almaı, qarsy baǵytta kele jatqan «Kamazben» soqtyǵysty.Apat bolǵan jerde 36 jastaǵy ekinshi júrgizýshi kóz jumdy. 11 jolaýshy túrli jaraqatpen aýrýhanaǵa jetkizildi. Olardyń bireýi bala.